ភ្នំពេញ៖ រូបភាពវីដេអូមួយត្រូវបានបង្ហាញពីសត្វទន្សោង និងរូបភាពវីដេអូសត្វព្រៃមួយផ្សេងទៀតនៅដែនជម្រកព្រៃសង្ឃរុក្ខវ័ន ក្នុងខេត្តឧត្តរមានជ័យ ដែលពួកវាកំពុងផឹកទឹក ដើរស៊ីស្មៅ និងដេកននៀលក្នុងថ្លុកទឹកយ៉ាងមានសេចក្តីសុខ។

គួរបញ្ជាក់ថារូបភាពនេះត្រូវគេថតបានកាលពីថ្មីៗកន្លងមក ហើយត្រូវបានបង្ហាញតាមរយៈទំព័រហ្វេសប៊ុករបស់ក្រសួងបរិស្ថាន។

រូបភាពនេះដែរក៏បានបង្ហាញពីសត្វនៅដែនជម្រកព្រៃសង្ឃរុក្ខវ័នទទួលបានកិច្ចការពារយ៉ាងល្អ និងពិសេសការចូលរួមពីគ្រប់ភាគី ពាក់ព័ន្ធ។

គួររំលឹកថា ព្រៃសហគមន៍សង្ឃរុក្ខវ័ន្តមានទំហំជាង ៣០ហិកតា លាតសន្ធឹងក្នុងស្រុកចំនួនបីរួមមាន៖ ស្រុកសំរោង, ស្រុកចុងកាល់ និងស្រុកអន្លង់វែង។ ព្រៃនេះត្រូវបានចាត់ចូលជាព្រៃអភិរក្ស និងទទួលបានការពារតាមរយៈអនុក្រឹត្យរបស់រាជរដ្ឋាភិបាលកម្ពុជា។ដែនជម្រកព្រៃសហគមន៍សង្ឃរុក្ខវ័ន្ត មានសត្វព្រៃ និងជីវៈចម្រុះជាច្រើនប្រភេទទៀត៕ ដោយ៖ ម៉ាដេប៉ូ