កីឡាករទាំង៣០នាក់ទៅ AFF Cup មានឱកាសចូលលេងដូចៗគ្នា

លោក ឈូក ពិសិដ្ឋ អ្នកចាត់ការក្រុម (Team Manager) នៃក្រុមបាល់ទាត់ប្រាប់ AMS Sports ថា កីឡាករទាំង៣០នាក់ដែលត្រូវបានកោះហៅចូលរួមព្រឹត្តិការណ៍ AFF Cup 2020 នឹងចេញដំណើរទៅកាន់ប្រទេសសិង្ហបុរីទាំងអស់គ្នាតែម្ដង។

លោកបញ្ជាក់ថា មុនការប្រកួតម្ដងៗក្រុមនីមួយៗត្រូវបញ្ជូនបញ្ជី២៣នាក់ទៅគណៈកម្មការ។ ដូច្នេះមានន័យថា កីឡាករទាំងអស់សុទ្ធតែអាចមានឱកាសចូលលេងដូចៗគ្នា ប្រសិនបើក្រុមការងារគ្រូបង្វឹកបញ្ចូលឈ្មោះក្នុងបញ្ជី២៣នាក់។

លោក ឈូក ពិសិដ្ឋ សង្កត់ធ្ងន់ថា ពុំមានពេលវេលាទៀតទេក្នុងការប្រមូលផ្ដុំហ្វឹកហាត់ និងជម្រុះកីឡាករជាមុន ដោយសារតែពេលវេលាខើចខ្លាំងពេក។ នេះក៏ជាផ្នែកមួយនៃការបង្កើនចំនួនកីឡាករដែលគណៈកម្មការបានរៀបចំ ពាក់ព័ន្ធនឹងការរីករាលដាលជំងឺកូវីដ១៩ដែរ។ ដូចយើងបានឃើញរាល់ការប្រកួតស្រាប់ថា កីឡាករដែលផ្លាស់ប្ដូរចូល (Substitutes) ត្រូវបានបង្កើនឡើងពី៣ទៅ៥នាក់។

សម្រាប់ការចេញដំណើរវិញ អ្នកចាត់ការក្រុមដដែលប្រាប់ថា អាចនឹងធ្វើឡើងក្នុងថ្ងៃទី០១ ខែធ្នូ ខណៈបច្ចុប្បន្នភាគីកម្ពុជាកំពុងធ្វើការជាមួយភាគីខាងម្ចាស់ផ្ទះ៕

Sovann Tithhttps://www.ams.com.kh/sports
ជានិពន្ធនាយករងព័ត៌មានកីឡា លោក ទិត្យ សុវណ្ណ (Tith Sovann) បានប្រលូកនៅតាមស្ថាប័នធំៗយ៉ាងច្រើនទាំងទូរទស្សន៍ និងបណ្ដាញសង្គម ក្នុងនាមជាអ្នកយកព័ត៌មានកីឡា, អ្នកប្រែសម្រួល និងអ្នកអត្ថាធិប្បាយ។ លោកមានទំនាក់ទំនងស្អិតរមួតជាមួយអង្គភាព និងក្លិបកីឡានានានៅកម្ពុជា ដែលគុណសម្បត្តិទាំងអស់នេះនឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ៕

ព័ត៌មានជាប់ទាក់ទង

បណ្ដាញសង្គម

60,734FansLike
150FollowersFollow
13,200SubscribersSubscribe
- Advertisement -spot_img

ព័ត៌មានចុងក្រោយ