(ភ្នំពេញ)៖ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ថ្នាក់ដឹកនាំ និងមន្ត្រីរាជការ នៃក្រសួងបរិស្ថាន ផ្ញើសារលិខិតអបអរសាទរ គោរពជូនចំពោះ ឯកឧត្ដមបណ្ឌិត ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលមានខ្លឹមសារថា ៖
យើងខ្ញុំទាំងអស់គា្នជាថ្នាក់ដឹកនាំ និងមន្ត្រីរាជការនៃក្រសួងបរិស្ថាន សូមសម្តែងនូវសេចក្តីសោមនស្ស រីករាយឥតឧបមា និងអំណរសាទរយ៉ាងក្លៀវក្លាបំផុត ក្នុងឱកាសដែល ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់ត្រាស់ បង្គាប់ចាត់តាំង ឯកឧត្តមបណ្ឌិត ជា នាយករដ្ឋមន្ដ្រីនៃព្រះរាជាណាចក្រកម្ពុជា សម្រាប់ នីតិកាលទី៧ នៃរដ្ឋសភា។

ឯកឧត្តមបណ្ឌិតនាយករដ្ឋមន្ត្រី ពិតជាមានសមត្ថភាព និងគុណវុឌ្ឈយ៉ាងពេញលេញ ក្នុង តួនាទីជា នាយករដ្ឋមន្តី ដើម្បីបន្តដឹកនាំប្រទេសជាតិ ពង្រឹងសុខសន្តិភាពកាន់តែរឹងមាំ ប្រទេសកាន់ត មានការអភិវឌ្ឍរីកចម្រើន ប្រជាជនកាន់តែមានជីវភាពធូរធារ និងរស់នៅប្រកបដោយសេចក្តីសុខសាន្ត បន្តទៀត។ យើងខ្ញុំទាំងអស់គ្នាជឿជាក់យ៉ាងមុតមាំចំពោះការគិតគូរ និងការសម្រេចចិត្តប្រកបដោយ គតិបណ្ឌិត និងចក្ខុវីស័យវែងឆ្ងាយរបស់ សម្តេចអគ្គមហាសេនាបតីតេជោ ហ៊ុន សែន ក្នុងការផ្ទេរ បន្ទុកដឹកនាំប្រទេសជាតិជូន ឯកឧត្តមបណ្ឌិត និងយុវជនជំនាន់ក្រោយ ដើម្បីបន្តវេន។ យើងខ្ញុំទាំងអស់ គ្នាប្តេជ្ញាបន្តចូលរួម គាំទ្រ និងអនុវត្តនូវរាល់គោលនយោបាយ យុទ្ធសាស្ត្រ និងផែនការសកម្មភាពរបស់ រាជរដ្ឋាភិបាល ក្រោមការដឹកនាំរបស់ ឯកឧត្តមបណ្ឌិតនាយករដ្ឋមន្ត្រី សំដៅពូនជ្រុំសុខសន្តិភាព ស្ថិរភាពនយោបាយ លំនឹងម៉ាក្រូសេដ្ឋកិច្ច និងមរតកនានាដែលសម្រេចបាននៅក្នុងអាណត្តិរាជរដ្ឋាភិបាល កន្លងមក ក្រោមការដឹកនាំប្រកបដោយទេព្យកោសល្យរបស់ សម្ដេចតេជោ ហ៊ុន សែន ដើម្បីដឹកនាំ នាវាកម្ពុជាឆ្ពោះទៅរកការអភិវឌ្ឍរីកចម្រើនប្រកបដោយសមធម៌ និរន្តរភាព និងបរិយាប័ន្ន។

ក្នុងឱកាសដ៏ប្រសើរថ្លៃថ្លានេះ យើងខ្ញុំទាំងអស់គ្នា សូមលើកហត្ថប្រណមបួងសួង ដល់គុណបុណ្យ ព្រះរតនត្រ័យកែវទាំងបី ព្រមទាំងវត្ថុសក្តិសិទ្ធិក្នុងលោក សូមតាមជួយថែរក្សាអភិបាលប្រោះព្រំសព្ទសាធុការ ពរជ័យបវរសួស្តី ជ័យមង្គល និងវិបុលសុខគ្រប់ប្រការ ជូនចំពោះ ឯកឧត្តមបណ្ឌិតនាយករដ្ឋមន្តី និង លោកជំទាវ ព្រមទាំងបុត្រា បុត្រី សូមបានសមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លៀតឡើយ ៕

ដោយ / គ្រី សម្បត្តិ