ការស្វែងរកឆ្អឺងអតីតយុទ្ធជនវៀតណាមនៅលើទឹកដីកម្ពុជា នៅតែបន្តធ្វើមិនទាន់ចប់សព្វគ្រប់ឡើយ។ យុទ្ធជនវៀតណាម ដែលបានបាត់ជីវិត ក្នុងអតីតកាលសង្គ្រាមស៊ីវិលលើទឹកដីកម្ពុជា មានជាច្រើនម៉ឺននាក់ ដែលមាននៅតាមបណ្តាខេត្តជាច្រើន រួមទាំងខេត្តកំពង់ឆ្នាំងផងដែរ។ ក្នុងរយៈពេល២០ឆ្នាំមកនេះ អដ្ឋិធាតុយុទ្ធជនវៀតណាម ដែលរកឃើញនៅលើទឹកដី ខេត្តកំពង់ឆ្នាំងត្រូវគេរាយការណ៍ថាមានចំនួន៣៦៨អដ្ឋិធាតុហើយ និងត្រូវគេរំពឹងថាមាននៅសល់អដ្ឋិធាតុមួយចំនួនទៀត ដែលកំពុងតាមរក ដើម្បីបញ្ជូនទៅឱ្យប្រទេសវៀតណាមវិញ។ អប្សរាណិតធ្វើសេចក្តីរាយការណ៍ពីខេត្តកំពង់ឆ្នាំង