ឧត្តមសេនីយ៍ត្រី ច័ន្ទ សុខុន៖ បើប្រទេសគ្មានសុខសន្តិភាព ក៏យើងមិនមានឱកាសធ្វើដូចថ្ងៃនេះឡើយ.!
(ព្រះវិហារ)៖ លោកឧត្តមសេនីយ៍ត្រី ច័ន្ទ សុខុន បានលើកឡើងថា បើប្រទេសជាតិគ្មានសុខសន្តិភាព យើងទាំងអស់គ្នា ក៏មិនមាន ឱកាសបង្កើតនូវកម្មវិធីជួបជុំដូចថ្ងៃនេះ នោះឡើយ ។
លោកឧត្តមសេនីយ៍ត្រី ច័ន្ទ សុខុន មេបញ្ជាការកងពលតូចអន្តរាគមន៍ លេខ៨ បានលើកឡើងបែបនេះ នៅក្នុងពិធីសំណេះសំណាល និងពិសារបាយសាមគ្គី ជាមួយបងប្អូនយោធិនសោធននិវត្តន៍ កាលពីរសៀលថ្ងៃទី១៦ ខែវិច្ឆិកា ឆ្នាំ២០២៣ ។
![](https://asset.ams.com.kh/central/media/2023/11/photo_2023-11-17_11-31-56-1024x768.jpg)
ឧត្តមសេនីយ៍ត្រី ច័ន្ទ សុខុន បានបន្តថា បើទោះបីជាបងប្អូន ត្រូវផ្ទេរ ចេញពីក្របខ័ណ្ឌក្រសួងការពារជាតិ ទៅក្រសួងសង្គមកិច្ចអតីតយុទ្ធជន និងយុវនិតិសម្បទាក្តី ក៏បងៗ និងប្អូនៗ នៅតែអាចចូលមកសំរាកលេង ជាមួយយុទ្ធមិត្តយើងបានជាធម្មតា។
លោកថាពួកយើងទាំងគ្នានៅតែចងចាំមិនអាចភ្លេចបាននូវស្នាដៃ និងវីរៈភាពដ៏អស្ចារ្យ ក្នុងការលះបង់ នូវសាច់ស្រស់ ឈាមស្រស់ និងពេលវេលា រស់នៅជុំជាមួយក្រុមគ្រួសារ ចូលរួមបម្រើជាតិមាតុភូមិ នាពេលកន្លងមកនេះ ។
![](https://asset.ams.com.kh/central/media/2023/11/photo_2023-11-17_11-31-53-1024x768.jpg)
ជាមួយគ្នានោះលោកឧត្តមសេនីយ៍ត្រី ច័ន្ទ សុខុន ក៏បានធ្វើការផ្ដាំផ្ញើទៅ កាន់ បងប្អូន យោធិនទាំងអស់ ក្រោយពេលត្រឡប់ទៅរស់នៅជាមួយ ក្រុម គ្រួសារ ត្រូវធ្វើជាពលរដ្ឋល្អ ចូលរួមអភិវឌ្ឍន៍មូលដ្ឋាន ឲ្យមាន ការរីក ចម្រើន និងថែរក្សាសុខសន្តិភាព ដែលប្រទេសជាតិ យើងមានសព្វ ថ្ងៃ នេះ ឲ្យបានគង់វង្សយូរអង្វែង ក្រោមការដឹកនាំរបស់សម្តេច មហា បវរ ធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ៕
![](https://asset.ams.com.kh/central/media/2023/11/photo_2023-11-17_11-31-57-1024x768.jpg)
![](https://asset.ams.com.kh/central/media/2023/11/photo_2023-11-17_11-32-04-768x1024.jpg)
![](https://asset.ams.com.kh/central/media/2023/11/photo_2023-11-17_11-32-02-768x1024.jpg)
សួន លីណា