(ភ្នំពេញ)៖ ក្រសួងអប់រំ យុវជន និងកីឡា បានសម្រេចធ្វើការប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិ ឬហៅថាបាកឌុបសម័យប្រឡង ៖ ០៦ វិច្ឆិកា ២០២៣ មុនថ្ងៃកំណត់ដោយសារដំណើរការកំណែ និងស្រង់បូកពិន្ទុដោយកុំព្យូទ័រ និងផ្ទៀងផ្ទាត់ពិន្ទុកត្រូវបានបញ្ចប់ ដោយរលូនមុនកាលកំណត់។

យោងតាមការឱ្យដឹងរបស់ក្រសួងអប់រំបានឱ្យដឹងថាក្រសួងនឹងធ្វើការប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យ ប្រឡង ៖០៦ វិច្ឆិកា ឆ្នាំ២០២៣ ដោយបិទផ្សាយទៅតាមមណ្ឌល ប្រឡង និងផ្សព្វផ្សាយតាមបណ្ដាញទំនាក់ទំនងសង្គមផ្លូវ ការរបស់ ក្រសួងអប់រំ យុវជន និងកីឡា MoEYS Cambodia ។

គួរបញ្ជាក់ថាបើតាមការគ្រោងទុកកាលពីមុននេះ ក្រសួងអប់រំ យុវជន និងកីឡាថានឹងប្រកាសលទ្ធផលប្រឡងបាក់ឌុបនៅថ្ងៃទី២៨ ខែវិច្ឆិកា ឆ្នាំ២០២៣ សម្រាប់រាជធានីភ្នំពេញ និងខេត្តកណ្ដាល និងថ្ងៃទី២៩ ខែវិច្ឆិកា ឆ្នាំ២០២៣ សម្រាប់ខេត្តផ្សេងទៀត ព្រមទាំងមានផ្សាយ នៅលើទំព័រហ្វេសប៊ុកផ្លូវការក្រសួងអប់រំ យុវជន និងកីឡា។

ការប្រឡងបាក់ឌុបនាឆ្នាំនេះដែរ មានបេក្ខជនចុះឈ្មោះប្រឡងសរុប ១៣៧ ៤១២នាក់ ស្រី ៧៣ ២៧៨នាក់ មណ្ឌលប្រឡងសរុប ២២៧ ស្មើនឹង ៥ ៥៤៣បន្ទប់៕

ដោយ ៖ ម៉ាដេប៉ូ