ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា នៅថ្ងៃទិវា នៃក្តីស្រឡាញ់ ទី១៤ ខែកុម្ភៈ ឆ្នាំ២០២៤ នេះ ក្រសួងនៅអនុញាតឱ្យដាក់តាំង និងលក់នូវបន្លែ អាហារសុវត្ថិភាព សរីរាង្គ នៅក្នុងក្រសួង ដើម្បីផ្តល់ជូនសេចក្តីស្រឡាញ់ ផ្នែកសុខភាពជូនប្រជាពលរដ្ឋខ្មែរ តាមរយៈការគិតគូរលើសុវត្ថិភាពចំណីអាហារ។

ប្រភពខាងលើនេះបានបញ្ជាក់ដែរថាលើសពីនេះ ក្រសួងលើកទឹកចិត្តដល់ប្រជាពលរដ្ឋខ្មែរ ចូលរួមគាំទ្រផលិតផលរបស់ខ្មែរ ដែលជាស្នាដៃរបស់កូនខ្មែរ និងជូនបាច់បន្លែ អាហារសុវត្ថិភាព និងសរីរាង្គ ដល់អ្នកម្តាយ និងគ្រួសារជាទីស្រឡាញ់ទាំងអស់គ្នាផងដែរ៕
ដោយ៖ម៉ាដេប៉ូ