(ភ្នំពេញ)៖ ដរាបណា ហ៊ុន ម៉ាណែត នៅជានាយករដ្ឋមន្រ្ដី ខ្ញុំនឹងមិនអនុញ្ញាតឲ្យមាន ការដាំកញ្ឆា នៅកម្ពុជានោះទេ ។ នេះជាការគូសបញ្ជាក់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នារសៀលថ្ងៃទី២០ កុម្ភៈ ឆ្នាំ២០២៤ ក្នុងពិធីបិទសន្និបាត បូកសរុបលទ្ធផលការងារ ឆ្នាំ២០២៣ និងលើក ទិស ដៅឆ្នាំ២០២៤ របស់អាជ្ញាធរជាតិប្រយុទ្ធប្រឆាំងគ្រឿងញៀន និងផ្សព្វផ្សាយផែនការ យុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ ។

សម្ដេចធិបតី ហ៊ុន ម៉ាណែត បានបញ្ជាក់ច្បាស់ៗជាថ្មីម្ដងទៀតថា ដរាបណា ហ៊ុន ម៉ាណែត នៅជានាយករដ្ឋមន្រ្ដី ខ្ញុំនឹងមិនអនុញ្ញាតឱ្យមានការដាំកញ្ឆា នៅកម្ពុជា នោះទេ ។

សម្ដេចនាយករដ្ឋមន្ត្រី ក៏បានអំពាវនាវដល់វិនិយោគិនបរទេសទាំងឡាយណា ដែល មានបំណងចង់មកវិនិយោគដាំកញ្ឆានៅកម្ពុជា កុំចាំបាច់ចំណាយពេលធ្វើដំណើរ មក កម្ពុជាអី សម្តេចមិនអនុញ្ញាតឱ្យនោះឡើយ ៕

អត្ថបទ ៖ វណ្ណលុក
រូបភាព ៖ វ៉េង លិមហួត , សួង ពិសិដ្ឋ , ង៉ាន់ទិត្យ