កំពង់ឆ្នាំង៖គណបក្សប្រជាជនកម្ពុជាខេត្តកំពង់ឆ្នាំងនៅ ព្រឹកថ្ងៃទី២៣ ខែកុម្ភៈ បានប្រារព្ធបិទយុទ្ធនាការឃោសនា បោះឆ្នោត ជ្រើសតាំង សមាជិក ព្រឹទ្ធសភានីតិកាលទី ៥ ឆ្នាំ២០២៤ដោយមានអ្នកចូល រួមជាងមួយម៉ឺននាក់។

អាន៖ក្នុងពិធីនេះឯកឧត្តមបណ្ឌិតសភាចារ្យ អ៊ុក រ៉ាប៊ុន សមាជិកគណៈ អចិន្រ្តៃយ៍គណៈកម្មាធិការកណ្តាល គណបក្ស ប្រជាជនកម្ពុជានិងជា ប្រធានក្រុមការងារថ្នាក់កណ្តាលចុះមូលដ្ឋានខេត្តកំពង់ឆ្នាំងបានថ្លែងថាការបោះឆ្នោតជ្រើសតាំងសមាជិកព្រឹទ្ធសភាជាការបោះឆ្នោតអសកល ប៉ុន្តែពិតជាមាន សារៈសំខាន់ ណាស់ និងជាការពង្រឹងដំណើរការ ប្រជាធិបតេយ្យ និង នីតិរដ្ឋ នៅ កម្ពុជា។

ក្នុងឱកាសនេះឯកឧត្តមបណ្ឌិតបានរំលឹកសមាជិក សមាជិកា ក្រុម ប្រឹក្សាឃុំ សង្កាត់នៃគណបក្សប្រជាជនកម្ពុជា ដែលជា អង្គបោះឆ្នោត សូមអញ្ជើញទៅចូលរួមបោះឆ្នោតទាំងអស់គ្នានៅថ្ងៃអាទិត្យទី២៥ ខែកុម្ភៈ។
សូមជម្រាបថា ខេត្តកំពង់ឆ្នាំងស្ថិតនៅភូមិភាគ៧ នៃព្រឹទ្ធសភា៕

អត្ថបទនិងរូបភាព៖សុខ គឹមសៀន