ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ នៅថ្ងៃនេះបានជូន ព័ត៌មានថា ថ្មីៗនេះមានជនអនាមិកបានបង្កើតគណនីនៅលើ បណ្ដាញ ទំនាក់ទំនង តេឡេក្រាម (Telegram )ដោយប្រើឈ្មោះឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ។

ដោយភ្ជាប់មកជាមួយនូវគណនីក្លែងបន្លំនេះ ក្រសួងបានបញ្ជាក់ទៀត ថា គណនីនេះ ជាគណនីក្លែងក្លាយ។ក្រសួងក៏បាន ប្រកាស ឱ្យ សាធារណជនទាំងអស់បង្កើនការប្រុងប្រយ័ត្នប្រសិនបើមានការទាក់ទងណាមួយពីគណនីនេះទៅកាន់អស់លោកអ្នក។

ក្រសួងក៏បានព្រមានផងដែរដល់ជនក្លែងបន្លំថា អ្នកដែលបង្កើត គណនីក្លែងក្លាយ ដើម្បីបំភ្លៃ បំភាន់ ឬបោកប្រាស់សាធារណជន ដោយប្រើប្រាស់ឈ្មោះឯកឧត្តមរដ្ឋមន្ត្រី ក្រសួងស្នើឱ្យបញ្ឈប់ជាបន្ទាន់ និងជាដាច់ខាត។ ក្រសួងរក្សាសិទ្ធិក្នុងការចាត់វិ ធានការតាម ផ្លូវច្បាប់ ចំពោះអ្នកបង្កើតគណនីក្លែងក្លាយទាំងអស់នេះ៕
ដោយ៖ដេប៉ូ