ភ្នំពេញ៖ សម្ដេចធិបតី ហ៊ុន ម៉ាណែត នាយករដ្ឋមន្រ្តី បានបង្ហាញ អារម្មណ៍ រំភើប និងមោទនភាពជាតិចំពោះអាកាសយានដ្ឋាន អន្តរជាតិ តេជោយ៉ាងធំស្កឹមស្កៃ។ សម្ដេចធិបតីបង្ហាញ ដូច្នេះក្នុង ពិធីសំណេះ សំណាល និងចុះត្រួតពិនិត្យវឌ្ឍនភាពនៃគម្រោងសាងសង់ អាកាស យាន ដ្ឋាន អន្តរជាតិតេជោ លំដាប់ថ្នាក់ 4F ដំណាក់កាលទី១ នាព្រឹក ថ្ងៃទី១២ ខែមីនា ឆ្នាំ២០២៤ ។

សម្តេចធិបតី ហ៊ុន ម៉ាណែត បានថ្លែងថា សម្តេចធ្លាប់បានឃើញ ព្រលាន យន្តហោះធំច្រើនហើយ តែមិនរំភើបដូចឃើញព្រលាន យន្តហោះអន្តរជាតិតេជោនោះឡើយ ព្រោះជារបស់ខ្មែរ។

ជាមួយគ្នានេះ សម្ដេចនាយករដ្ឋមន្ត្រី ក៏បានអរគុណចំពោះវិនិយោគិន ដែលបានបន្តបោះទុនវិនិយោគគម្រោងសាងសង់អាកាសយានដ្ឋានអន្តរជាតិតេជោ ដែលធំជាងគេនៅកម្ពុជា ។សម្តេច ក៏បានអំពាវនាវឱ្យ វិនិយោគិននៅក្នុងស្រុកនិងវិនិយោគិននៅក្រៅប្រទេស បន្តចូលរួម បន្ថែមទៀតនៅក្នុងការវិនិយោគសាងសង់ព្រលានយន្តហោះនេះ។

សម្ដេចនាយករដ្ឋមន្រ្តីបានគូសបញ្ជាក់ថា ការសាងសង់អាកាស យានដ្ឋានអន្តរជាតិតេជោ គឺត្រូវបន្តរហូតទោះបីជាអំឡុងពេល ការផ្ទុះរីករាលដាលជំងឺកូវីដ-១៩ ក៏ដោយ គឺមិនបានឈប់ សម្រាក នោះទេ ខណៈពេលដែលវឌ្ឍនភាពនៃការសាងសង់ជំហានទី១នេះ សម្រេចបានជាង ៦៦% និងបានចំណាយទឹកប្រាក់សរុបប្រមាណ មួយពាន់លានដុល្លារហើយ ៕
ដោយ៖វណ្ណលុក