គេហ្គូស៊ីហ្គាល់ប៉ា៖ អតីតស្ត្រីទីមួយរបស់ប្រទេសហុងឌូរ៉ាសបានសម្រេចឈរឈ្មោះបោះឆ្នោតប្រធានាធិបតី ក្រោយពេលដែលស្វាមីរបស់លោកស្រី ដែលធ្លាប់ធ្វើជាប្រធានាធិបតី ត្រូវបានកាត់ទោស។

លោកស្រី Ana Garcia បាននិយាយ កាលពីថ្ងៃពុធថា លោកស្រីនឹងចូលរួមប្រកួតប្រជែងការបោះឆ្នោតប្រធានាធិបតី ឆ្នាំ២០២៥ តំណាងឲ្យគណបក្ស «ជាតិ» ឬ National Party។

គួរបញ្ជាក់ថា អតីតប្រធានាធិបតីនៃប្រទេសហុងឌូរ៉ាស លោក Juan Orlando Hernandez ត្រូវបានកាត់ទោសពីបទជួញដូរកូកាអ៊ីន រាប់រយតោន ទៅកាន់សហរដ្ឋអាមេរិក។ លោកបានដឹកនាំប្រទេសស្ថិតក្នុងប្លុកអាមេរិកឡាទីនមួយនេះ ចន្លោះពីឆ្នាំ២០១៤ ដល់ ២០២២។ រដ្ឋបាលអាមេរិកធ្លាប់សរសើរលោក Hernandez ប្រយុទ្ធប្រឆាំងនឹងគ្រឿងញៀន កាលពីពេលដឹកនាំប្រទេស។ តែទីបំផុត លោកត្រូវបានតុលាការអាមេរិកកាត់ទោស ទៅវិញ ដោយលោកត្រូវបានធ្វើបត្យាប័ន ទៅអាមេរិក ថ្មីៗនេះ។

លោកស្រី Ana Garcia ចោទប្រកាន់ថា ការកាត់ទោសស្វាមីរបស់លោកស្រីគឺជារឿងនយោបាយ៕ ប្រភពពី AFP ប្រែសម្រួល៖ សារ៉ាត