ភ្នំពេញ ៖  បុរសម្នាក់បើក រថយន្តកាមរីបាឡែនមួយគ្រឿងខណះកំពុងបេីកសុខៗក៏បែកកង់រេចង្កូតទៅបុកបង្កាន់ដៃគល់ស្ពានអាកាស៥មករា ផ្លូវចុះទៅក្រោមដី បណ្តាលឲ្យរងការខូចខាតផ្នែកខាមុខខាងឆ្វេងទៅមុខលែងរួច។
    ហេតុការណ៍ នេះបានកេីត ឡេីងកាលពីវេលាម៉ោង១២ និង៤០នាទី រំលងអាធ្រាត្រឈានចូលថ្ងៃទី៨ខែកក្កដាឆ្នាំ២០១៩  នៅចំណុចគល់ស្ពានអាកាស៥មករាខាងជេីង  តាមបណ្តោយផ្លូវ២៨៩  ស្ថិតក្នុងសង្កាត់ទឹកល្អកទី១  ខណ្ឌទួលគោក។
      តាមសាក្សីនៅកន្លែងកេីតហេតុបានឲ្យដឹងថា  នៅមុនពេលកេីតហេតុគេបានឃេីញរថយន្តម៉ាកកាមរីបាឡែន  ពណ៍កណ្តុរប្រមេះ ពាក់ស្លាកលេខភ្នំពេញ 2AF 0512   ធ្វេីដំណេីរតាមបណ្តោយផ្លូវ ២៨៩  ក្នុងទិសដៅពីជេីងទៅត្បូងខណះមកដល់ចំណុចកេីតហេតុក៏រេចង្កូតទៅបុកបង្កាន់ដៃ គល់ស្ពាន៥មករា  ផ្លូវចុះក្រោមដីពេញទំហឹងបណ្តាលឲ្យរងការខូចខាតដាច់កាឡេទៅមុខលែងរួចសំណាងមិនមានមនុស្សរងរបួស។
    ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុនិងទំនាក់ទំនងទៅជំនាញស្ទូចរថយន្តទៅរក្សាទុកនៅការិយាល័យចរាចរណ៍ជេីងគោករាជធានីរងចាំដោះស្រាយតាមច្បាប់៕