ត្រៀមទទួលឆ្នាំថ្មី បណ្ដាការដ្ឋានក្នុងក្រុងកំពតនឹងរួចរាល់ទាន់ពេល ដើម្បីទទួលទេសចរ
កំពត៖បណ្ដាការដ្ឋានសំខាន់ៗក្នុងក្រុងកំពតដែលជាសមិទ្ធផលថ្មី ជួយ លើកកម្ពស់សោភណភាពទីក្រុងនិងដើម្បីទាក់ ទាញភ្ញៀវ ទេសចរ ទាំងក្នុង ខេត្ត ឬមកពីខេត្តដទៃ ពិសេសទេសចរបរទេស ក្នុងឱកាស បុណ្យចូល ឆ្នាំថ្មីប្រពៃណីជាតិនៅខែមេសាខាងមុខនេះ កំពុងមមា ញឹក ជំរុញការ សាងសង់ ការជួសជុល និងការកែលម្អ ឱ្យរួចរាល់នៅមុនពេល បុណ្យ ចូល ឆ្នាំមកដល់។អ្នកទទួលខុស ត្រូវការដ្ឋានអះអាងថា នឹងរួចរាល់ ទាន់ពេល។
![](https://asset.ams.com.kh/central/media/2024/03/photo_2024-03-26_20-01-25-1024x682.jpg)
ការដ្ឋានទាំងនេះមានផ្លូវប្រវែងប្រមាណជាង៧០០ម៉ែត្រ ប្របមាត់ព្រែក កំពង់បាយចាប់ពីគល់ស្ពានថ្មថ្មី (ស្ពានកំពង់បាយ) រហូតដល់គល់ស្ពាន ឥន្ទធនូ (ស្ពានចាស់) ដែលទើបបើកការដ្ឋាន។វិថីទេសចរណ៍មួយនេះ សម្រាប់ ឱ្យប្រជាពលរដ្ឋ និងទេសចរអាចចូលទៅកម្សាន្ត សួន មាត់ព្រែក ខណៈសួនដ៏ស្រស់បំព្រងអមដោយរុក្ខជាតិនិងផ្ការីកស្គុសស្គាយ មាន ចំណតរថយន្ត ឆ្នេរខ្សាច់សក្បុស។ទីតាំងនេះភ្ញៀវ អង្គុយស្រូបយក ខ្យល់អាកាសបរិសុទ្ធនៃដងព្រែកឬ មុជទឹកលេង ឬលេងកីឡាលើ ទឹកផ្សេងៗតាមចំណង់ចំណូលចិត្ត ។ ផ្លូវនេះ បានស្ថាបនា បត់បែន ទៅតាមទម្រង់នៃសួនកម្សាន្ត ដោយមានទំហំទទឹងពីរផ្សេងគ្នា ។ក្នុងនោះផ្លូវទទឹង ៩ម៉ែត្រ មានប្រវែង ៧២៩ ម៉ែត្រ និងផ្លូវទទឹង ១២ម៉ែត្រ មានប្រវែង ២១ម៉ែត្រ។ជាមួយនឹងការសាងសង់ ផ្លូវក៏មានការស្ថាបនាឆ្នេរខ្សាច់ កម្សាន្ត ចន្លោះស្ពានថ្មី និងស្ពាន ចាស់ប្រវែងជាង ៦០០ម៉ែត្រផងដែរ។
![](https://asset.ams.com.kh/central/media/2024/03/photo_2024-03-26_20-01-27-1024x682.jpg)
អាជ្ញាធរខេត្តកំពុងពន្លឿនការសាងសង់ឱ្យរួចរាល់ទាន់មុនបុណ្យឆ្នាំថ្មីប្រពៃណីជាតិមកដល់ ដើម្បីបើកទទួលទេសចរក្នុងខេត្តក៏ដូចជា ភ្ញៀវជាតិ និងអន្តរជាតិមកពីទីដទៃបានចូលកម្សាន្ត ។ទីនេះនឹងក្លាយទីតាំង លំហែ ថ្មីក្នុងចំណោមទីតាំងជាច្រើនទៀត ដែល រដ្ឋបាលខេត្តបានរៀបចំរួច មក។
![](https://asset.ams.com.kh/central/media/2024/03/photo_2024-03-26_20-01-31-1024x682.jpg)
ដើម្បីប្រាកដថា ការដ្ឋាននេះរួចរាល់ទាន់ពេល កាលពីព្រឹកថ្ងៃអង្គារ ឯកឧត្តម ម៉ៅ ធនិន អភិបាលខេត្តកំពត បានដឹកនាំមន្ត្រី មន្ទីរ-អង្គភាព ជំនាញចុះពិនិត្យនិងបើកការដ្ឋានស្ថាបនាផ្លូវប្របមាត់ព្រែកកំពង់បាយ។ក្នុងឱកាសនេះឯកឧត្តមអភិបាលខេត្ត ក៏បានស្នើ ដល់ប្រជាពលរដ្ឋ ដែលរស់នៅជាប់នឹងព្រែកកំពង់បាយ ហើយបានសាងសង់សំណង់ចូល ក្នុងដីចំណី ព្រែកដែលជាដីសាធារណៈ របស់រដ្ឋសូមចូលរួមសហការរុះរើ សំណង់ ក៏ដូចជាសហការជាមួយក្រុមការងារជំនាញដើម្បីស្ថាបនា ផ្លូវនេះ ឱ្យបាន រួចរាល់ក្នុង ពេលដ៏ខ្លីខាងមុខនេះ។
![](https://asset.ams.com.kh/central/media/2024/03/photo_2024-03-26_20-01-29-1024x682.jpg)
ក្នុងពេលនេះដែរ ឯកឧត្តមអភិបាលខេត្តក៏បានជំរុញដល់អាជ្ញាធរ ក្រុង កំពត រួមនឹងមន្ទីរជំនាញពាក់ព័ន្ធត្រូវសិក្សា លំអិត អំពី មធ្យោបាយ ក្នុង ការបញ្ជូនកាកសំណល់រាវដែលបង្ហូរចេញពីក្រុងកំពត ដោយធ្វើ យ៉ាងណាកុំឱ្យប៉ះពាល់ដល់ទឹកក្នុងព្រែកកំពង់បាយ ខណៈទឹកនេះ គឺជាទឹកស្អាត ។ទឹកមានសសៃរ មានប្រភពមកពីតំបន់ទំនប់វារី អគ្គិសនីកំចាយ ហើយអាចឱ្យភ្ញៀវទេសចរងូតលេង កម្សាន្តបាន៕
អត្ថបទនិងរូបភាព៖ សិលា សារិន
![](https://asset.ams.com.kh/central/media/2024/03/photo_2024-03-26_20-01-22-1024x576.jpg)