គៀវ៖ លោក Volodymyr Zelensky ប្រធានាធិបតីនៃប្រទេសអ៊ុយក្រែនបាននិយាយ កាលពីថ្ងៃអាទិត្យថា អ៊ុយក្រែននឹងចាញ់សង្គ្រាមរុស្ស៊ី ប្រសិនបើសភាអាមេរិក មិនយល់ព្រមផ្តល់ជំនួយយោធា ទប់ទល់នឹងការឈ្លានពាន របស់ទីក្រុងម៉ូស្គូ។

លោក Zelensky បាននិយាយបែបនេះ ក្នុងអំឡុងពេលកិច្ចប្រជុំ ជាវីដេអូ នៃវេទិការៃអង្គាសប្រាក់ដែលរៀបចំឡើង ដោយមូលនិធិ Kyiv United24 ។

គួរបញ្ជាក់ថា ក្រុមសមាជិកគណបក្សសាធារណរដ្ឋនៅក្នុងសភាអាមេរិក បានរារាំងជំនួយយោធា៦០ពាន់លានដុល្លារ សម្រាប់អ៊ុយក្រែន ដោយកញ្ចប់ជំនួយនេះបានជាប់គាំង ក្នុងសភា អស់រយៈពេលជាច្រើនខែមកហើយ។

លោក Zelensky បាននិយាយ ក្នុងពេលនោះថា «ជាការចាំបាច់ ដែលត្រូវប្រាប់ទៅសភាអាមេរិក ជាពិសេសថា ប្រសិនបើសភា មិនជួយអ៊ុយក្រែនទេ អ៊ុយក្រែននឹងចាញ់សង្គ្រាមហើយ»។

លោក Zelensky បានបន្ថែមទៀតថា ប្រសិនបើអ៊ុយក្រែនចាញ់សង្រ្គាម រដ្ឋផ្សេងទៀត នឹងត្រូវវាយប្រហារ ដូច អ៊ុយក្រែន ដែរ៕ ប្រភពពី AFP ប្រែសម្រួល៖ សារ៉ាត