ទស្សនាវដ្ដី Forbes របស់សហរដ្ឋអាមេរិក ថ្មីៗនេះ បានចេញផ្សាយថា ប្រទេសវៀតណាមមានមហាសេដ្ឋីចំនួន ៦ នាក់នៅក្នុងបញ្ជី «អ្នកមានជាងគេលើពិភពលោក» ប្រចាំឆ្នាំ២០២៤ ក្នុងចំណោមមហាសេដ្ឋីសរុប ជិត៣ពាន់នាក់ នៅទូទាំងពិភពលោក។

បើតាមកាសែត VNexpress បានចេញផ្សាយថា មហាសេដ្ឋីវៀតណាមទាំងនេះ រួមមាន លោក Pham Nhat Vuong ប្រធានក្រុមហ៊ុនឡាន Vingroup, លោកស្រី Nguyen Thi Phuong Thao នាយកប្រតិបត្តិក្រុមហ៊ុនអាកាសចរណ៍ VietJet Air, លោក Tran Dinh Long ប្រធានក្រុមហ៊ុនផលិតដែក Hoa Phat , លោក Ho Hung Anh ប្រធានក្រុមហ៊ុន Techcombank, លោក Tran Ba Duong ប្រធានក្រុមហ៊ុនផលិតរថយន្ត Thaco និងលោក Nguyen Dang Quang ប្រធានក្រុមហ៊ុនលក់រាយ Masan។

ប្រធានក្រុមហ៊ុនឡាន Vingroup គឺជាមហាសេដ្ឋីមានបំផុត ក្នុងប្រទេសវៀតណាម មានទ្រព្យសម្បត្តិ ៤,៤ ពាន់លានដុល្លារអាមេរិក កើនឡើង ២,៣% ធៀបនឹងឆ្នាំមុន៕ ប្រភពពី AFP ប្រែសម្រួល៖ សារ៉ាត