ឡុងដ៍៖ កូនសត្វរមាសសម្បុរសតូច មួយក្បាល មានឈ្មោះថា Benja បានបង្ហាញខ្លួន រត់លេងជាមួយម្តាយរបស់វា ក្រោមពន្លឺព្រះអាទិត្យ នៅក្នុងសួនសត្វ Whipsnade ភាគខាងជើង ទីក្រុងឡុងដ៍ ចក្រភពអង់គ្លេស។

ម្តាយរបស់កូនរមាស មានប្រភពពីតំបន់ខាងត្បូង មួយក្បាលនេះ មានឈ្មោះថា Jaseera។ ពួកវាបានរត់លេង នៅជុំវិញទីលានសួនសត្វ ទំហំ២១ហិចតា។

សហភាពអន្តរជាតិសម្រាប់ការអភិរក្សធម្មជាតិ ហៅកាត់ IUCN បានប៉ាន់ប្រមាណថា មានសត្វរមាសពណ៌ស ប្រហែល ជិត១ ម៉ឺន៧ពាន់ក្បាល នៅមានវត្តមាន ក្នុងព្រៃ ក៏ប៉ុន្តែចំនួននេះ កំពុងរងហានិភ័យ ពីការបរបាញ់៕

ប្រភពពី AFP ប្រែសម្រួល៖ សារ៉ាត