សម្តេចធិបតី៖ សមិទ្ធផលធំធេងគួរជាទីមោទនៈ ដែលកម្ពុជាសម្រេចបាននៅក្នុងការអភិវឌ្ឍមូលធនមនុស្ស សុខភាព និងសុខមាលភាព សង្គមនិងសេដ្ឋកិច្ច នឹងមិនអាចកើតឡើងមានបានឡើយ ប្រសិនបើកម្ពុជាគ្មានសន្តិភាពពេញលេញ
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍បញ្ជាក់ថា សមិទ្ធផលធំធេងគួរជាទីមោទនៈដែលកម្ពុជាសម្រេចបាននៅក្នុងការអភិវឌ្ឍមូលធនមនុស្ស សុខភាព និងសុខមាលភាព សង្គមនិងសេដ្ឋកិច្ច ក្នុងអំឡុងពេលជាង ២ទសវត្សចុងក្រោយនេះ នឹងមិនអាចកើតឡើងមានបានឡើយ ប្រសិនបើកម្ពុជាគ្មានសន្តិភាពពេញលេញ ស្ថេរភាពនយោបាយ និងសន្តិសុខសង្គម
ការបញ្ជាក់របស់សម្តេចធិបតីក្នុងពិធីសម្ពោធអគារមជ្ឈមណ្ឌលផ្ដល់សេវាវះកាត់ នៃមន្ទីរពេទ្យបង្អែកខេត្តសៀមរាប នៅព្រឹកថ្ងៃទី២០ ខែមេសា ឆ្នាំ២០២៤។
![](https://asset.ams.com.kh/central/media/2024/04/photo_2024-04-20_10-39-18.jpg)
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍បញ្ជាក់ថា សមិទ្ធផលធំធេងគួរជាទីមោទនដែលកម្ពុជាសម្រេចបាននៅក្នុងការអភិវឌ្ឍមូលធនមនុស្ស សុខភាព និងសុខមាលភាព សង្គមនិងសេដ្ឋកិច្ច ក្នុងអំឡុងពេលជាង២ទសវត្សចុងក្រោយនេះ នឹងមិនអាចកើតឡើងមានបានឡើយប្រសិនបើកម្ពុជាគ្មានសន្តិភាពពេញលេញ ស្ថេរភាពនយោបាយ និងសន្តិសុខសង្គម។ ជាមួយនេះ កំណើនសេដ្ឋកិច្ចរឹងមាំ និងសង្គតភាពបានដើរតួនាទីចម្បងក្នុងការកាត់បន្ថយភាពក្រីក្រ រួមជាមួយការកើនឡើងនៃការទទួលបានសេវាថែទាំងសុខភាព។ ការពង្រីកការគ្របដណ្តប់ នៃប្រព័ន្ធការពារសង្គម និងភាពប្រសើរឡើងនៃកត្តាសង្គម ដែលមានឥទ្ធិពលលើសុខភាពដែលធ្វើឱ្យស្ថានភាពសុខភាព និងសុខមាលភាព ជីវភាព និងគុណភាពជីវិតរបស់ប្រជាជនកម្ពុជា កាត់តែប្រសើរឡើងជាលំដាប់ ព្រមទាំងអាយុកាលរស់នៅរំពឹងកាន់តែវែង។
ជាមួយគ្នានេះ សម្តេចធិបតីបានថ្លែងអំណរគុណចំពោះរដ្ឋាភិបាល និងប្រជាជននៃប្រទេសជប៉ុន ដែលបានផ្តល់ជំនួយឧបត្ថម្ភគាំទ្រទាំងថវិកា និងបច្ចេកទេស ក្នុងការស្តារ និងអភិវឌ្ឍន៍ប្រទេសកម្ពុជាឡើងវិញបន្ទាប់ពីខ្ទេចខ្ទាំដោយសង្គ្រាមជាង២ទសវត្ស។ ជាពិសេសការអភិវឌ្ឍប្រទេសកម្ពុជាក្នុងវិស័យសុខាភិបាល រួមមាន ហេដ្ឋារចនាសម្ព័ន្ធរូបវន្ត ការអភិវឌ្ឍន៍ធនធានមនុស្សសុខាភិបាល និងការបំពាក់ឧបករណ៍សម្ភារៈ បរិក្ខារ បច្ចេកវិទ្យា វិទ្យាសាស្ត្រទំនើបៗ និងប្រព័ន្ធបច្ចេកវិទ្យាព័ត៌មាននៅតាមមូលដ្ឋានសុខាភិបាលដែលរួមមានដូចជា មជ្ឈមណ្ឌលជាតិកំចាត់រោគរបេង និងហង់សិន មជ្ឈមណ្ឌលជាតិគាំពារមាតា និងទារក មន្ទីរពេទ្យមិត្តភាពកម្ពុជា-ជប៉ុន មង្គលបុរី ខេត្តបន្ទាយមានជ័យ មន្ទីរពេទ្យបង្អែកខេត្តកំពង់ចាម ខេត្តព្រះសីហនុ ខេត្តស្វាយរៀង និងមន្ទីរពេទ្យបង្អែកខេត្តបាត់ដំបង និងពេលនេះមន្ទីរពេទ្យបង្អែកខេត្តសៀមរាប៕
ដោយ៖ពលជ័យ
រូបភាព៖ឆាណែលតេឡេក្រាមសម្តេចធិបតី ហ៊ុន ម៉ាណែត
![](https://asset.ams.com.kh/central/media/2024/04/photo_2024-04-20_10-46-07-1024x681.jpg)
![](https://asset.ams.com.kh/central/media/2024/04/photo_2024-04-20_10-46-07-2-1024x681.jpg)
![](https://asset.ams.com.kh/central/media/2024/04/photo_2024-04-20_10-46-10-1024x681.jpg)
![](https://asset.ams.com.kh/central/media/2024/04/photo_2024-04-20_10-48-05-681x1024.jpg)
![](https://asset.ams.com.kh/central/media/2024/04/photo_2024-04-20_10-48-06-681x1024.jpg)
![](https://asset.ams.com.kh/central/media/2024/04/photo_2024-04-20_10-48-07-2-1024x730.jpg)
![](https://asset.ams.com.kh/central/media/2024/04/photo_2024-04-20_10-48-10-1024x575.jpg)
![](https://asset.ams.com.kh/central/media/2024/04/photo_2024-04-20_10-48-43-1024x681.jpg)
![](https://asset.ams.com.kh/central/media/2024/04/photo_2024-04-20_10-48-44-1024x681.jpg)
![](https://asset.ams.com.kh/central/media/2024/04/photo_2024-04-20_10-48-45-2-1024x681.jpg)
![](https://asset.ams.com.kh/central/media/2024/04/photo_2024-04-20_10-48-45-1024x681.jpg)
![](https://asset.ams.com.kh/central/media/2024/04/photo_2024-04-20_10-48-46-1024x681.jpg)
![](https://asset.ams.com.kh/central/media/2024/04/photo_2024-04-20_10-48-48-1024x921.jpg)
![](https://asset.ams.com.kh/central/media/2024/04/photo_2024-04-20_10-48-49-1024x681.jpg)