តេហេរ៉ង់៖ មេដឹកនាំកំពូលនៃប្រទេសអ៊ីរ៉ង់ លោក Ayatollah Ali Khamenei នៅថ្ងៃចន្ទនេះ បានប្រកាសឱ្យមានការកាន់ទុក្ខរយៈពេល៥ថ្ងៃ នៅទូទាំងប្រទេស សម្រាប់ប្រធានាធិបតីអ៊ីរ៉ង់ លោក Ebrahim Raisi និងរដ្ឋមន្រ្តីការបរទេសអ៊ីរ៉ង់ រួមទាំងមន្រ្តីអមដំណើរ ដែលបានបាត់បង់ជីវិតក្នុងគ្រោះថ្នាក់ធ្លាក់ឧទ្ធម្ភាគចក្រ។

លោក Khamenei បានបញ្ជាក់ក្នុងសេចក្តីថ្លែងការណ៍មួយថា ខ្ញុំប្រកាសឱ្យមានការកាន់ទុក្ខជាសាធារណៈរយៈពេល៥ថ្ងៃ ហើយខ្ញុំសូមសម្តែងការចូលរួមរំលែកទុក្ខទៅកាន់ប្រជាជនអ៊ីរ៉ង់ទាំងអស់។

លោក Khamenei បានចេញសេចក្តីថ្លែងការណ៍បែបនេះ បន្ទាប់ពីលោក Raisi និងរដ្ឋមន្រ្តីការបរទេសអ៊ីរ៉ង់ លោក Hossein Amir-Abdollahian រួមជាមួយមន្រ្តីអ៊ីរ៉ង់មួយចំនួនទៀតបានស្លាប់ ក្នុងឧបទ្ទវហេតុធ្លាក់ឧទ្ធម្ភាគចក្រនៅខេត្ត East Azerbaijan៕ ប្រភព៖ AFP ប្រែសម្រួលដោយ៖ ឈឹម ទីណា