កំពង់ធំ៖ បញ្ជាការសឹករងខេត្តកំពង់ធំកាលពីថ្ងៃទី២១ ខែ ឧសភា ឆ្នាំ២០២៤ បើកកិច្ចប្រជុំបូកសរុបលទ្ធផលការងារ យោធា សន្តិសុខ ប្រចាំខែឧសភា ឆ្នាំ២០២៤ និង ដាក់ចេញ នូវទិសដៅអនុវត្តបន្ត ក្រោមវត្តមានឧត្តមសេនីយ៍ទោ សោម ស៊ុន មេបញ្ជាការតំបន់ប្រតិ បត្តិការសឹករងកំពង់ធំ។

ឧត្តមសេនីយ៍ទោ សោម ស៊ុន បានកោតសរសើរ មេបញ្ជាការ គ្រប់កងឯកភាព នាយទាហាន នាយទាហានរង និងពល ទាហាន បានខិតខំបំពេញភារកិច្ច ដែលថ្នាក់លើបានប្រគល់ ជូន ។ ពិសេសកិច្ចសហប្រតិបត្តិការក្នុងកិច្ចការពារ សន្តិសុខ សុវត្ថិភាព ជូនថ្នាក់ដឹកនាំជាន់ខ្ពស់ ដែលឆ្លងកាត់និង បំពេញ ភារកិច្ចក្នុងខេត្តកំពង់ធំ ជាមួយនោះដែរក៏បានត្រៀមបម្រុង និងប្រើប្រាស់កម្លាំងក្នុងកិច្ចសហប្រតិបត្តិការការពារសន្តិសុខសុវត្ថិភាព ក្នុងដំណើរការបោះឆ្នោតជ្រើសរើសក្រុមប្រឹក្សាខេត្ត ក្រុង ស្រុក ទទួលបានជោគជ័យ និងសុវត្ថិភាព ។
ឧត្តមសេនីយ៍ទោ សោម ស៊ុន មេបញ្ជាការ តំបន់ ប្រតិបត្តិការ សឹក រងកំពង់ធំ បានប្រគល់ភារកិច្ចចាំបាច់មួយចំនួន ដែលត្រូវអនុវត្តបន្ត៕

ដោយ៖ ប៊ុន រដ្ឋា