លោក មហាសេដ្ឋីអាមេរិក Elon Musk បានប្រាប់ថា លោកគ្រោងនឹងផលិតទូរស័ព្ទឆ្លាតវៃ ម៉ាក X។ ម្ចាស់ក្រុមហ៊ុន SpaceX និង Tesla រូបនេះ ចាត់ទុកថា វាគឺជាជំហានបន្ទាប់ នៃការវិនិយោគលើវិស័យបច្ចេកវិទ្យា របស់ខ្លួន. នេះបើយោងតាមការចុះផ្សាយរបស់កាសែត Business Insider។

លោក និយាយថា ក្រុមហ៊ុនX នឹងចាប់ដៃគូជាមួយ Samsung ផលិតទូរស័ព្ទម៉ាក X ប៉ុន្តែ លោកមិនបញ្ជាក់ថានឹងចាប់ផ្តើមនៅពេលនណាដទេ។

ការបង្ហើបពីគម្រោងនេះកើតមានឡើង ក្រោយពេល ១ថ្ងៃ ដែលលោក Elon Musk បានគំរាមហាមឃាត់បុគ្គលិកក្នុងក្រុមហ៊ុនរបស់លោក កុំឲ្យប្រើប្រាស់ iPhone បើវាមានបញ្ចូលកម្មវិធី AI របស់ក្រុមហ៊ុន OpenAI ទៅក្នុងប្រព័ន្ធប្រតិបត្តិការ។ លោក Musk ចាត់ទុកថា ការណ៍នេះរំលោភសន្តិសុខ ដែលមិនអាចទទួលយកបាន។

ប្រភពពី businessinsider ប្រែសម្រួល៖ សារ៉ាត