អាមេរិក៖ California គឺជារដ្ឋមួយទៀតរបស់អាមេរិក ដែលហាមឃាត់ការប្រើប្រាស់ស្មាតហ្វូន របស់សិស្សសាលា។ ក្រុមប្រឹក្សាអប់រំ LAUSD បានបញ្ជាឱ្យបុគ្គលិកអប់រំរៀបចំផែនការស្តីពីការហាមឃាត់ទូរស័ព្ទដៃ និងប្រព័ន្ធផ្សព្វផ្សាយសង្គមនានា។

លោក Nick Melvoin សមាជិកក្រុមប្រឹក្សាភិបាល LAUSD ដែលបានស្នើការហាមប្រាមនេះនិយាយថា ការប្រើប្រាស់ទូរស័ព្ទច្រើនហួសប្រមាណ នឹងបង្កើនភាពតានតឹង ការថប់បារម្ភ ជំងឺធ្លាក់ទឹកចិត្ត បញ្ហាដំណេក អារម្មណ៍នៃការឈ្លានពាន និងគំនិតចង់ធ្វើអត្តឃាត ចំពោះមនុស្សវ័យជំទង់។

កាលពីឆ្នាំមុន រដ្ឋ Florida បានហាមប្រាមការប្រើប្រាស់ទូរស័ព្ទដៃ របស់សិស្សរួចមកហើយ ខណៈដែលរដ្ឋផ្សេងៗទៀត របស់អាមេរិកក៏មានផែនការនេះ ដូចគ្នា៕

ប្រភពពី AFP ប្រែសម្រួល៖ សារ៉ាត