បរទេស៖ វិទ្យាស្ថានផលប៉ះពាល់សុខភាព Global Air ដែលមានមូលដ្ឋាននៅអាមេរិក កាលពីថ្ងៃពុធ បានឲ្យដឹងថា កុមារជិត២០០០នាក់បានស្លាប់ ជារៀងរាល់ថ្ងៃ កាលពីឆ្នាំ២០២១ ដោយសារបញ្ហាសុខភាព ទាក់ទងនឹងការបំពុលបរិយាកាស។ មួយមួយឆ្នាំ ២០២១ កុមារអាយុ ក្រោម៥ឆ្នាំ ជាង ៧០ម៉ឺននាក់បានស្លាប់។

វិទ្យាស្ថាន Global Air ក៏បានបង្ហាញដែរថា ការបំពុលបរិយាកាស បានរួមចំណែកដល់ការស្លាប់របស់មនុស្ស មិនប្រកាន់វ័យ ចំនួន៨លាន១សែនលាននាក់ នៅឆ្នាំ ២០២១ ឬ ប្រហែល១២ ភាគរយនៃអ្នកស្លាប់មនុស្សទាំងអស់។

ប្រភពដដែលឲ្យដឹងទៀតថា ការស្លាប់មនុស្សព្រោះការបំពុលបរិយាកាស មានច្រើនជាងការស្លាប់ ដោយសារការប្រើប្រាស់ថ្នាំជក់ និងរបបអាហារមិនល្អ ប៉ុន្តែ នៅក្រោមកត្តាជំងឺលើសឈាម។

យ៉ាងណាក៏ដោយ លោកស្រី Pallavi Pant ប្រធានផ្នែកសុខភាពសកលរបស់វិទ្យាស្ថាន Global Air ជឿជាក់ថា បញ្ហាទាំងនេះ ពិភពលោកនឹងអាចដោះស្រាយបាន៕

ប្រភពពី AFP ប្រែសម្រួល៖ សារ៉ាត