មន្ទីរពេទ្យ អ៉ីនធ័រឃែរ និង ក្រុមហ៊ុន ម៉េងលី ជេ. គួច អេឌ្យូខេសិន ម.ក បានចាប់ដៃគ្នាលើភាពជាដែគូក្នុងការពង្រឹងវិស័យអប់រំ និងវិស័យសុខាភិបាល
ភ្នំពេញ៖ មន្ទីរពេទ្យ អ៉ីនធ័រឃែរ និង ក្រុមហ៊ុន ម៉េងលី ជេ. គួច អេឌ្យូខេសិន ម.ក នៅថ្ងៃទី២៧ ខែមិថុនា ឆ្នាំ២០២៤ បានចុះហត្ថលេខាលើអនុស្សរណៈនៃការយោគយល់គ្នា ជាផ្លូវការ ដើម្បីបង្កើតភាពជាដៃគូសហការដែលផ្តោតលើការលើកកម្ពស់ និងការរីកចម្រើនទៅវិញទៅមកក្នុងវិស័យអប់រំ និងវិស័យសុខាភិបាល។ កិច្ចសហការនេះគឺជាសមត្ថផលមួយយ៉ាងសំខាន់សម្រាប់ស្ថាប័នទាំងពីរ ដើម្បីរួមគ្នាពង្រីកឱកាស និងលើកកម្ពស់សេវាកម្មជូនដល់សហគមន៍ទាំងមូល។
![](https://asset.ams.com.kh/central/media/2024/06/photo_2024-06-28_15-42-16-1024x682.jpg)
គោលបំណងចម្បងនៃអនុស្សរណៈនៃការយោគយល់គ្នានេះ គឺដើម្បីបង្កើតទំនាក់ទំនងមួយដែលស៊ីសង្វាក់គ្នា ក្នុងការផ្តល់ជំនួយផ្នែកវេជ្ជសាស្រ្ដដ៏ទូលំទូលាយ ចែករំលែកចំណេះដឹងផ្នែកវេជ្ជសាស្រ្ត និងចូលរួមក្នុងគំនិតផ្តួចផ្តើមទំនួលខុសត្រូវសង្គមសាជីវកម្ម រួមគ្នាដែលផ្តល់អត្ថប្រយោជន៍ដល់ក្រុមប្រឹក្សាភិបាល សមាជិកបុគ្គលិក និងសហគមន៍ឲ្យកាន់តែទូលំទូលាយនៃស្ថាប័នទាំងពីរ។ ភាពជាដៃគូរវាង មន្ទីរពេទ្យ អ៉ីនធ័រឃែរ និង ក្រុមហ៊ុន ម៉េងលី ជេ. គួច អេឌ្យូខេសិន ម.ក មានគោលដៅលើកកម្ពស់គុណភាពនៃការអប់រំ និងសេវាថែទាំសុខភាព ជាចំណែកមួយដល់ការថែទាំសុខុមាលភាពទូទៅក្នុងសង្គម និងជំរុញឱ្យមានការរីកចម្រើនគួរឱ្យកត់សម្គាល់ក្នុងវិស័យទាំងពីរ។ កិច្ចសហការនេះនឹងបង្កើតផលវជ្ជមានដែលមានឥទ្ធិពលក្នុងការរួមបញ្ចូលឧត្តមភាពផ្នែកអប់រំជាមួយនឹងការជឿនលឿនផ្នែកថែទាំសុខភាព និងផ្តល់អត្ថប្រយោជន៍ដល់សហគមន៍ និងជំរុញការអភិវឌ្ឍន៍ប្រកបដោយចីរភាព។ លើសពីនេះ ភាពជាដៃគូយុទ្ធសាស្ត្រនេះ ធានាថាបុគ្គលិកនៃ ក្រុមហ៊ុន ម៉េងលី ជេ. គួច អេឌ្យូខេសិន ម.ក ព្រមទាំងក្រុមគ្រួសារក្នុងការទទួលបានសេវាថែទាំសុខភាពប្រកបដោយស្តង់ដា។
![](https://asset.ams.com.kh/central/media/2024/06/photo_2024-06-28_15-42-19-1024x682.jpg)
លទ្ធភាពទទួលបានការថែទាំវេជ្ជសាស្រ្តដែលមានគុណភាពខ្ពស់នេះត្រូវបាន រំពឹងថានឹងលើកកម្ពស់បរិយាកាសការងារឲ្យរឹតតែប្រសើរឡើង និងបង្កើនផលិតភាពការងារ ដោយសារការលើកកម្ពស់សុខុមាលភាព និងប្រសិទ្ធភាពរបស់បុគ្គលិកគ្រប់រូប។
មន្ទីរពេទ្យ អ៉ីនធ័រឃែរ ត្រូវបានបង្កើតឡើងក្នុងឆ្នាំ ២០២០ ដែលមានទីតាំងនៅក្នុង មជ្ឈមណ្ឌលវេជ្ជសាស្រ្តអូឡាំព្យា។ មន្ទីរពេទ្យមានការផ្តល់ជូននូវសេវាថែទាំសុខភាពដ៏ទូលំទូលាយ ដែលផ្តោតទៅលើការថែទាំបែបវេជ្ជសាស្រ្តជាមួយនឹងភាពងាយស្រួល។ មន្ទីរពេទ្យ អ៉ីនធ័រឃែរ ប្តេជ្ញាចិត្តក្នុងការផ្តល់នូវសេវាកម្មវេជ្ជសាស្ត្រដោយការគោរព និងសមភាព ដោយធានាថាអ្នកជំងឺគ្រប់រូបនឹងទទួលបានការថែទាំយ៉ាងដិតដល់ ប្រកបដោយវិជ្ជាជីវៈខ្ពស់។ ការទទួលបានការថែទាំសុខភាពពីវេជ្ជបណ្ឌិតក្នុងស្រុក និងបរទេសដែលបានទទួលការបណ្តុះ-បណ្តាលជាអន្តរជាតិនៅមន្ទីរពេទ្យ អ៉ីនធ័រឃែរ ជាការបង្ហាញពីអនាគតដ៏ល្អប្រសើរសម្រាប់វិស័យវេជ្ជសាស្រ្តក្នុងប្រទេសកម្ពុជា។
![](https://asset.ams.com.kh/central/media/2024/06/photo_2024-06-28_15-42-11-1024x682.jpg)
លោកស្រីវេជ្ជបណ្ឌិត Carolyne Pung សហស្ថាបនិក និងជានាយកប្រតិបត្តិនៃមន្ទីរពេទ្យ អ៉ីនធ័រឃែរ បានបង្ហាញពីភាពជោគជ័យនៃកិច្ចសហការនេះ ជាមួយនឹងប្រសាសន៍ថា “គោលបំណងនៃភាពជាដៃគូរបស់យើងគឺមានតម្លាភាព ជាមួយនឹងគោលបំណងធំ។ ភាពជាដៃគូនេះនឹងធានាឲ្យបាននូវ ការប្រើប្រាស់សេវាវេជ្ជសាស្រ្តប្រកបដោយស្តង់ដា ការថែទាំបង្ការ និងកម្មវិធីចែករំលែកចំណេះដឹងសុខភាពដែលផ្តល់ឲ្យតាមរយៈសហគមន៍ MJQE ។ យើងក៏មានគោលបំណងលើកកម្ពស់ចំណេះដឹងផ្នែកសុខភាពទៅកាន់សិស្សានុសិស្ស និងបុគ្គលិក ដើម្បីលើកកម្ពស់ ចំណេះដឹងផ្នែកសុខភាព និងការរស់នៅប្រកបដោយសុខភាពល្អ។ លើសពីនេះ ពួកយើងក៏ចង់បង្កើតបរិយាកាសមួយដែលគាំទ្រ ជួយដល់សុខភាពផ្លូវកាយ និងផ្លូវចិត្ត ដើម្បីបង្កើនផលិតភាព និងគុណភាពនៃជីវិតភាពជាដៃគូនេះបង្កប់នូវស្មារតីនៃភាពស៊ីសង្វាក់គ្នា និងតម្លៃរួមគ្នា ដែលជំរុញឲ្យឆ្ពោះទៅកាន់អនាគតមួយដែលការថែទាំសុខភាព និងការអប់រំមានទំនាក់ទំនងគ្នាដ៏ល្អប្រសើរ។
![](https://asset.ams.com.kh/central/media/2024/06/photo_2024-06-28_15-42-22-1024x682.jpg)
អ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និង នាយកប្រតិបត្តិ នៃ ក្រុមហ៊ុន ម៉េងលី ជេ. គួច អេឌ្យូខេសិន ម.ក ក៏បានបង្ហាញពីភាពរីករាយនៃភាំពជាដៃគូនេះ ដោយបានបន្តថា “ក្រុមហ៊ុន ម៉េងលី ជេ. គួច អេឌ្យូខេសិន ម.ក ប្តេជ្ញាចិត្តលើកកម្ពស់ការអប់រំ និងសុខុមាលភាពរបស់បុគ្គលិក គ្រូបង្រៀន សិស្សានុសិស្ស និងសហគមន៍របស់ខ្លួន។ ខណៈពេលដែលយើងកំពុងរីកចម្រើន ការធានាសុខុមាលភាពរបស់សមាជិកគ្រប់រូបនៅតែជាអាទិភាពចម្បង។ យើងមានបំណងបង្កើតបរិយាកាសការងារប្រកបដោយសុវត្ថិភាព និងប្រសិទ្ធភាពជាងមុន ដោយផ្តល់ជូនបុគ្គលិក និងសិស្សរបស់យើងទៅនឹងសេវាសុខភាពមួយដែលមានស្តង់ដាខ្ពស់ជាចុងក្រោយ យើងកំពុងចាប់ដៃគូជាមួយមន្ទីរពេទ្យ មន្ទីរពេទ្យ អ៉ីនធ័រឃែរ ដើម្បីផ្តល់សេវាថែទាំសុខភាពដែលមានគុណភាពខ្ពស់ រួមទាំងការពិនិត្យសុខភាព ការចាក់វ៉ាក់សាំងផ្សេងៗ។
![](https://asset.ams.com.kh/central/media/2024/06/photo_2024-06-28_15-42-13-1024x526.jpg)
ការព្យាបាលឯកទេស និងកម្មវិធីចំណេះដឹងក្នុងការថែទាំសុខភាព។ ភាពជាដៃគូនេះនឹងគាំទ្រដល់សុខុមាលភាពរបស់សិស្សានសិស្ស បុគ្គលិក និងក្រុមគ្រួសាររបស់ MJQE ទាំងអស់”។ តាមរយៈការសហការគ្នានេះ មន្ទីរពេទ្យ អ៉ីនធ័រឃែរ និង ក្រុមហ៊ុន ម៉េងលី ជេ. គួច អេឌ្យូខេសិន ម.ក នឹងខិតខំដល់ការលើកកម្ពស់សុខភាព និងសុខុមាលភាពទូទៅក្នុងសហគមន៍ ដោយធានាថាបុគ្គលិក ព្រមទាំងក្រុមគ្រួសារ ទទួលបានការថែទាំ និងការគាំទ្រយ៉ាងហ្មត់ចត់។ កិច្ចសហការនេះនឹងបើកឱកាសថ្មីៗលើការលើកម្ពស់សេវាកម្ម និងការអភិវឌ្ឍសហគមន៍ដែលមានសុខភាពល្អ និងរឹងមាំជាងមុន បង្កើតស្តង់ដារថ្មីសម្រាប់ភាពជាដៃគូដែលមានឥទ្ធិពលមួយនេះ៕ អត្ថបទ៖ ឈឹម ទីណា