ថ្នាក់ដឹកនាំមិនដែលភ្លេច យោធិននៃកងរាជអាវុធហត្ថចូលនិវត្តន៍ ពិការ បាត់បង់សមត្ថភាព និងគ្រួសារពលី-មរណៈ
បន្ទាយមានជ័យ៖ឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យក្នុងពិធីសំណេះសំណាលជាមួយយោធិននៃកងរាជអាវុធហត្ថចូលនិវត្តន៍ ពិការ បាត់បង់សមត្ថភាព និងគ្រួសារពលី-មរណៈ ឯកឧត្តមបានរំឭកពីភាពអង់អាចក្លាហានរបស់យោធិន ដែលបានខិតខំតស៊ូពុះពារលះបង់សាច់ស្រស់ ឈាមស្រស់ ដើម្បីបុព្វហេតុប្រទេសជាតិរហូតដល់ទទួលបាននូវសុខសន្តិភាពពេញលេញ។
![](https://asset.ams.com.kh/central/media/2024/07/photo_2024-07-03_18-15-38-1024x576.jpg)
ក្នុងពិធីដើម្បីរំលឹកខួបអនុស្សាវរីយ៍លើកទី៣១ ទិវាបង្កើតកងរាជអាវុធហត្ថ (១៤ កក្កដា ១៩៩៣ – ១៤ កក្កដា ២០២៤) ដែលប្រារព្ធនៅសាលប្រជុំនៃអគារសេនាធិការដ្ឋានកងរាជអាវុធហត្ថខេត្តបន្ទាយមានជ័យកាលពីថ្ងៃទី៣ ខែកក្កដាឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានពាំនាំនូវការផ្ដាំផ្ញើសួរសុខទុក្ខពីសំណាក់នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ជូនដល់បងប្អូនយោធិនដែលចូលរួម។
![](https://asset.ams.com.kh/central/media/2024/07/photo_2024-07-03_18-15-41-1024x576.jpg)
ឯកឧត្តមបន្តថា ថ្នាក់ដឹកនាំពុំដែលភ្លេចពលិកម្មប្រកបដោយស្មារតីស្នេហាជាតិរបស់វីរអតីតយុទ្ធជន យុទ្ធនារី និងប្រជាពលរដ្ឋយើងនៅគ្រប់ដំណាក់កាលនៃប្រវត្តិសាស្ត្រ ។បងប្អូនបានរួមចំណែកយ៉ាងសំខាន់ក្នុងកិច្ចការពារបូរណភាពទឹកដី ការកសាង សុខសន្តិភាព និងស្ថិរភាពសង្គម ធានាឱ្យមានការអភិវឌ្ឍសេដ្ឋកិច្ច និងសង្គម ។
![](https://asset.ams.com.kh/central/media/2024/07/photo_2024-07-03_18-15-44.jpg)
ក្នុងឱកាសនេះដែរឧត្តមសេនីយ៍ត្រី បោន ប៊ិន បាននាំយកឣំណោយរបស់នាយឧត្តមសេនីយ៍ សៅ សុខា ចែកជូនដល់យោធិន នៃកងរាជអាវុធហត្ថចូលនិវត្តន៍ ពិការ បាត់បង់សមត្ថភាព និងគ្រួសារពលី-មរណៈ ទាំង៨១ នាក់ នូវ មី, ត្រីខ ,ភេសជ្ជៈ ,,អង្ករ, សារុង និងថវិកាមួយចំនួន៕
រូបភាពនិងអត្ថបទ៖ គៀន ច័ន្ទហ៊ីន
![](https://asset.ams.com.kh/central/media/2024/07/photo_2024-07-03_18-15-49-1024x576.jpg)
![](https://asset.ams.com.kh/central/media/2024/07/photo_2024-07-03_18-15-52-1024x576.jpg)