មន្រ្តីជាន់ខ្ពស់ក្រសួងប្រៃសណីយ៍អញ្ជើញចូលរួមសិក្ខាសាលាលើកទី១៦ និងកិច្ចប្រជុំសកលស្តីអំពីកិច្ចសហការក្នុងការការពារហេដ្ឋារចនា សម្ព័ន្ធព័ត៌មានសំខាន់ៗនៅប្រទេសឥណ្ឌា
ភ្នំពេញ៖ ឯកឧត្តម លីវ សុផាណារិទ្ធិ រដ្ឋលេខាធិការក្រសួងប្រៃសណីយ៍និងទូរគមនាគមន៍ បានអញ្ជើញដឹកនាំគណៈប្រតិភូចូលរួមសិក្ខាសាលាលើកទី១៦ និងកិច្ចប្រជុំសកលស្តីអំពីកិច្ចសហការក្នុងការការពារហេដ្ឋារចនាសម្ព័ន្ធពត៍មានសំខាន់ៗ(Meridian Conference on Critical Information Infrastructure Protection – CIIP) ចាប់ពីថ្ងៃទី៣ ដល់ថ្ងៃទី៦ ខែកក្កដា ឆ្នាំ២០២៤ នៅទីក្រុងញ៉ូដេលី សាធារណរដ្ឋឥណ្ឌា ។ព្រឹត្តិការណ៍នេះមានការអញ្ជើញចូលរួមពីរដ្ឋសមាជិក ទទួលបន្ទុកវិស័យសន្តិសុខឌីជីថល តំណាងជាន់ខ្ពស់ និងស្ថាប័នពាក់ព័ន្ធ ទូទាំងសកលលោក។
ប្រភពក្រសួងប្រៃសណីយ៍បានឳ្យដឹងថា សិក្ខាសាលានិងកិច្ចប្រជុំអំពីកិច្ចសហការក្នុងការការពារហេដ្ឋារចនាសម្ព័ន្ធព័ត៌មានសំខាន់ៗនេះ បានផ្តោតយកចិត្តទុកដាក់លើការពិភាក្សាសំខាន់ៗមួយចំនួនមានជាអាទិ៍ យុទ្ធសាស្រ្តក្នុងការការពារលើហេដ្ឋារចនាសម្ព័ន្ធពត៍មានសំខាន់ៗ, យន្តការនៃការបង្កើនកិច្ចសហការជាដៃគូពីមជ្ឈដ្ឋាននានារួមមាន សហគមន៍ វិស័យអប់រំ និងវិស័យឧស្សាហកម្មនិងការរក្សាភាពធន់លើការការពារហេដ្ឋារចនាសម្ព័ន្ធឌីជីថលសំខាន់ៗ ៕
ដោយៈង៉ាន់ ទិត្យ
![](https://asset.ams.com.kh/central/media/2024/07/photo_2024-07-09_08-15-59-1024x670.jpg)
![](https://asset.ams.com.kh/central/media/2024/07/photo_2024-07-09_08-15-58-1024x650.jpg)
![](https://asset.ams.com.kh/central/media/2024/07/photo_2024-07-09_08-15-57-1024x665.jpg)
![](https://asset.ams.com.kh/central/media/2024/07/photo_2024-07-09_08-15-55-1024x672.jpg)
![](https://asset.ams.com.kh/central/media/2024/07/photo_2024-07-09_08-15-54-1024x705.jpg)
![](https://asset.ams.com.kh/central/media/2024/07/photo_2024-07-09_08-15-50-1024x648.jpg)
![](https://asset.ams.com.kh/central/media/2024/07/photo_2024-07-09_08-15-52-1024x681.jpg)