(ភ្នំពេញ) នៅថ្ងៃបើកឆាកព្រឹត្តិការណ៍ Davis Cup Group IV ម្សិលមិញនេះក្រុមវាយកូនបាល់ជម្រើសជាតិកម្ពុជា បានប្រកួតយកឈ្នះ ក្រុមជម្រើសជាតិប្រទេសអ៊ុរ៉ាក់ក្នុងលទ្ធផល៣ទល់០ នៅកីឡដ្ឋានមរតកតេជោ ។ខណៈប្រកួតទី២ត្រូវថ្ងៃទី១២ ខែ កក្តដា ក្រុមកម្ពុជា ជួបក្រុមជម្រើសជាតិប្រទេសមីយ៉ាន់ម៉ា ដោយជំនួបដំបូង វិញ្ញាសា ឯកក្តជន កីឡាករ Mathew Krusling កូនខ្មែរកាត់អាមេរិក ឈ្នះមួយវិញ្ញាសាហើយ ខណៈវិញ្ញាសាឯកក្តជនបន្ទាប់ ដាក់សមាសភាព កីឡាករ ឡេង សារិន រាជ ។

នេះគឺជាការប្រកួតទី២ ក្នុងពូល B របស់ក្រុមម្ចាស់ផ្ទះកម្ពុជា បន្ទាប់ពីយកឈ្នះក្រុមជម្រើសជាតិអ៊ីរ៉ាក់ ដោយលទ្ធផល ៣-០ ក្នុងថ្ងៃបើកឆាកកាលពីថ្ងៃពុធម្សិលមិញ។ ចំពោះលទ្ធផលការប្រកួតដំបូងរបស់កម្ពុជា សម្រាប់វិញ្ញាសាឯកត្តជន កីឡាករ ប៊ុន កេន្នី បានយកឈ្នះកីឡាករ Saidi Adel ២-០សិត (៦-១ និង ៦-០) និងកីឡាករ គ្រូស្លីង ម៉ាធើ បានយកឈ្នះកីឡាករ Hatem Adbulah Ali ២-០សិតដូចគ្នា (៧-៦ និង ៦-៣)។
ចំណែកវិញ្ញាសាវាយគូ ក្រុមកីឡាករកម្ពុជា ដែលមានកីឡាករ ទេព ទីម៉ូធី និង ឡេង សារិនរាជ បន្ដធ្វើបានយ៉ាងល្អ ដោយយកឈ្នះក្រុមកីឡាករអ៊ីរ៉ាក់ Hatem Adbulah Ali និង Saidi Adel ដោយលទ្ធផល ២-០ សិត (៦-៤ និង ៦-៣)។

គួរដឹងថា ក្រោយជួបមីយ៉ាន់ម៉ា កម្ពុជានឹងបន្ដជួបក្រុមខ្លាំងគុយវ៉ែត នាថ្ងៃទី១២ ខែកក្កដាស្អែក ដើម្បីកាត់សេចក្ដីក្រុមលេខ១ និងលេខ២ ក្នុងពូលB ឡើងទៅប្រកួតវគ្គខ្វែង ជាមួយក្រុមលេខ១ និងលេខ២ ពូលA ដើម្បីស្វែងរកក្រុមជ័យជម្នះ ២ក្រុមចុងក្រោយ ឡើងទៅក្រុម៣ (Group III) នៃព្រឹត្ដិការណ៍ Davis Cup Asia/Oceania ឆ្នាំ២០២៥ ខាងមុខ៕

រូបភាព ៖ ជីម ភារ៉ា
អត្ថបទ ៖ ជាវ ចន្ធូ