អាមេរិក៖ តាមការគ្រោងទុក អតីតប្រធានាធិបតីអាមេរិក លោក Donald Trump ពាក់បង់ រុំត្រចៀក បានទៅចូលរួមសន្និបាតជាតិ របស់គណបក្សសាធារណរដ្ឋ នៅក្នុងទីក្រុង Milwaukee ដែលជាការបង្ហាញខ្លួនលើកដំបូង ចាប់តាំងពីត្រូវបានរងរបួស អំឡុងការប៉ុនប៉ងធ្វើឃាត កាលពីថ្ងៃសៅរ៍មុន។

លោក Donald Trump បានទៅដល់វេទិនា នាព្រឹកថ្ងៃអង្គារ ម៉ោងនៅកម្ពុជា ឬ យប់ថ្ងៃចន្ទ ម៉ោងនៅអាមេរិក។ លោក Trump ទទួលបានការអបអរសាទរពីអ្នកគាំទ្រ ជាខ្លាំង ហើយសមាជនេះ ត្រូវបានរំពឹងថា អាចនឹងប្រកាសជាផ្លូវការ អំពីបេក្ខភាពលោកត្រាំ តំណាងឲ្យគណបក្សសាធារណរដ្ឋ សម្រាប់ការបោះឆ្នោតរើសប្រធានាធិបតីថ្មី នៅថ្ងៃទី៥ ខែវិច្ឆិកា ឆ្នាំ២០២៤ ខាងមុខនេះ។

ក្រោយការបាញ់ប្រហារភ្លាមៗ គណបក្សបានចេញសេចក្តីថ្លែងការណ៍ថា លោក Trump នៅតែចូលរួមសន្និបាតនេះ ដើម្បីជំរុញឲ្យលោក ធ្វើជាប្រធានាធិបតី ទី៤៧ របស់សហរដ្ឋអាមេរិក៕

ប្រភពពី AFP ប្រែសម្រួល៖ សារ៉ាត