បណ្ឌិតសភាចារ្យ អ៊ុក រ៉ាប៊ុន អញ្ជើញជួបសំណេះសំណាល និងចែកអំណោយសម្ដេចធិបតី ហ៊ុន ម៉ាណែត និងលោកជំទាវបណ្ឌិត ជូនដល់អតីតយុទ្ធជនកម្ពុជាខេត្តកំពង់ឆ្នាំង
កំពង់ឆ្នាំង៖ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពង់ឆ្នាំងកាលពីព្រឹកថ្ងៃទី២២ ខែកក្កដា បានអញ្ជើញជួបសំណេះសំណាលនិងជូនអំណោយសម្ដេចធិបតី ហ៊ុន ម៉ាណែត និងលោកជំទាវបណ្ឌិត ជូនដល់អតីតយុទ្ធជនកម្ពុជាខេត្តកំពង់ឆ្នាំង ចំនួន ៦០គ្រួសារនៅទីបញ្ជាការតំបន់ប្រតិបត្តិការសឹករងកំពង់ឆ្នាំង។ក្នុងឱកាសនោះក៏មានការដាំកូនឈើប្រណិតមួយចំនួននៅក្នុងទីធ្លាទីបញ្ជាការដ្ឋានផងដែរ។
ក្នុងឱកាសនេះឯកឧត្តមបណ្ឌិតសភាចារ្យ អ៊ុក រ៉ាប៊ុន ក៏បានកោតសរសើរចំពោះកិច្ចខិតខំប្រឹងប្រែងរបស់កងកម្លាំងតំបន់ប្រតិបត្តិការសឹករងកំពង់ឆ្នាំង ដែលមានមេបញ្ជាការឧត្តមសេនីយ៍ត្រី អ៊ុំ សុភា តែងតែយកចិត្តទុកដាក់នាំយកនូវអំណោយរបស់សម្ដេចធិបតី ហ៊ុន ម៉ាណែត និងលោកជំទាវ ពេជ ច័ន្ទមុន្នី មកចែកជូនអតីតយុទ្ធជនពលី ពិការ និងគ្រួសាររងគ្រោះជួបការលំបាកបានទាន់ពេលវេលា។
យោងតាមរបាយការណ៍របស់ឧត្តមសេនីយ៍ត្រី អ៊ុំ សុភា បានឱ្យដឹងថា អតីតយុទ្ធជនក្នុងខេត្តកំពង់ឆ្នាំងមានចំនួន៣ ៨៨៥នាក់។ ចាប់តាំងពីខែមិថុនាឆ្នាំ២០២៣ ដល់ខែមិថុនាឆ្នាំ២០២៤ សមាគមបានជូនអំណោយរបស់សម្ដេចធិបតី ហ៊ុន ម៉ាណែតនិងលោកជំទាវ ពេជ ច័ន្ទមុន្នី ជូនដល់អតីតយុទ្ធជនពិការ ជួបការលំបាក ពលី មរណៈ គ្រួសារកងទ័ព ប្រជាពលរដ្ឋ ជួបការលំបាកមានជំងឺ ជួបគ្រោះមហន្តរាយនានាចំនួន៣៨ លើកស្មើនឹង ៣៥១គ្រួសារ ។ងំណោយរួមមាន អង្ករ ៩,៧តោន ,ត្រីខ ២៦៥យួរ, ,មី២៥៩កេស ,ទឹកត្រី ២៣០ យួរ,ទឹកស៊ីអ៊ីវ ២៣១យួរ,មុង១៤២មុង, ស៊ីម៉ង់ត៍១០៣ការ៉ុង,សង្ក័សី ១ ៣២៩សន្លឹក និងថវិកាចំនួន
ជាង១៦,៨លានរៀល៕
ដោយ៖សុខ គឹមសៀន