យុទ្ធនាការជិះម៉ូតូធំម្នាក់ឯង ពីប្រទេសអាល្លឺម៉ង មកកាន់ប្រទេសកម្ពុជា របស់លោក អ៊ុ ប៊ុនរ៉េត ឆ្លងកាត់ចំនួន ២២ ប្រទេស ក្នុងចម្ងាយផ្លូវ ២៥ ០០០ គីឡូម៉ែត បានកៀរគរថវិកាបានចំនួនជិត ៥ម៉ឺនដុល្លារអាម៉េរិកហើយ។

យុទ្ធនាការនេះគ្រោងចំណាយពេល ជាង៤ខែ (ពីខែកក្កដា ដល់ចុងខែតុលា ឆ្នាំ២០២៤)នេះ ក្នុងគោលបំណងផ្សព្វផ្សាយអំពីវប្បធម៌ អរិយធម៌ខ្មែរ ទៅកាន់បណ្ដាប្រទេសនីមួយៗដែលបានឆ្លងកាត់ ក៏ដូចជាដើម្បីកៀរគរថវិកាបរិច្ចាគជូនមូលនិធិគន្ធបុប្ផាកម្ពុជា ដើម្បីរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា។

មូលនិធិគន្ធបុប្ផាកម្ពុជា សូមថ្លែងអំណរគុណជូនសប្បុរសជនទាំងក្នុង និងក្រៅប្រទេសទាំងអស់ចំពោះការចូលរួមបរិច្ចាគ រួមគ្នារក្សានិរន្តរភាពមន្ទីរពេទ្យគន្ធបុប្ផា ដើម្បីនាំភាពញញឹមរបស់កុមារដែលជាអនាគតដ៏ភ្លឺស្វាងរបស់កម្ពុជា។ ចាន់ វិចិត្រ