(ភ្នំពេញ)៖ ប្រទេសកម្ពុជា និង ប្រទេសហ្វីលីពីន គាំទ្រនូវគំនិតផ្តួចផ្តើមការភ្ជាប់ជើងហោះហើរ ត្រង់ពី កោះសា ប៊ូ ហ្វីលីពីន មករាជធានីភ្នំពេញប្រទេសកម្ពុជា ដែលជាការចូលរួមចំណែកជួយឲ្យមានកំណើនទេសចរណ៍ សេដ្ឋកិច្ច និងទំនាក់ ទំនងទ្វេភាគីលើវិស័យផ្សេងៗទៀត។

ការលើកឡើង គំនិតផ្តួចផ្តើមនេះ នៅក្នុងជំនួប ពិភាក្សាការងារ រវាង សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជា និងលោកស្រី ផ្លែរីដា អេនខាំមៀល ម៉ៃយ៉ូ (Flerida Ann Camille P. Mayo ) ឯកអគ្គរដ្ឋទូតនិងពេញសមត្ថភាពនៃសាធារណរដ្ឋហ្វីលីពីន ប្រចាំនៅកម្ពុជា នៅព្រឹកថ្ងៃទី៣០ ខែកក្កដាឆ្នាំ២០២៤នេះ នៅវិមានរដ្ឋសភា ។

សម្តេចមហារដ្ឋសភាធិការធិបតី មានប្រសាស៍ថា លោកស្រីឯកអគ្គរដ្ឋទូត ដែលទទួលបានបេសកកម្មការទូតប្រចាំនៅកម្ពុជា នាពេលនេះ បានដើរតួនាទីយ៉ាងសំខាន់ក្នុងការទំនាក់ទំនងរវាងកម្ពុជា- ហ្វី លីពីន ហើយនឹងមានកិច្ចការជាច្រើនទៀត ដែលអាចសហការគ្នានឹងពង្រឹង ឲ្យកាន់តែស៊ីជម្រៅបន្ថែមទៀត នូវមិត្តភាព និងកិច្ច សហប្រតុបត្តិការរវាងប្រទេសទាំងពីរ ។

បេសកកម្មការទូតរបស់លោកស្រី ឯកអគ្គរដ្ឋទូត ប្រចាំនៅកម្ពុជាគឺជាពេលវេលាសំ ខាន់ នៅកម្ពុជា ដែលជាការផ្លាសប្តូរនៃការដឹកនាំពីថ្នាក់ដឹកនាំជំនាន់ចាស់ មកថ្នាក់ដឹកនាំជំនាន់ថ្មីដែលពោរពេញដោយថាមវ័ន ពោរពេញដោយ ភាពស្វាហាប់នុងចក្ខុវិស័យវែងឆ្ងាយ ក្នុងការជំរុញនិងការ អភិវឌ្ឍន៍សេដ្ឋកិច្ច កម្ពុជាក្នុងដំណាក់ កាលថ្មីមួយទៀតដែល មកដោយយុទ្ធ សាស្ត្របញ្ចកោណដែលកំណត់ នូវគោលដៅអភិវឌ្ឍន៍ជាច្រើនហើយ ។ យុទ្ធសាស្រ្តបញ្ចកោណដំណាក់កាលទី១នេះមានមុំជាច្រើន ដែលជំរុញនូវទំនាក់ទំនងនៃប្រទេសទាំងពីរ កម្ពុជា -ហ្វីលីពីនបន្ថែមទៀត ។

កម្ពុជា-ហ្វីលីពីន មានទំនាក់ទំនងទ្វេរភាគី ពហុភាគីបនិងកិច្ចសហការតំបន់ហើយទំនាក់ ទំនងនេះកាន់តែស្និទ្ធស្នាលនិងស៊ីជម្រៅថែមទៀត ។ ចំណែករដ្ឋសភា និងរដ្ឋសភា នៃប្រទេសទាំងពីរមានកិច្ចសហប្រតិបត្តិការល្អ រវាងគ្នា តាមរយៈក្រប ខណ្ឌអាស៊ាន (អាយប៉ា) និងកិច្ចសហការអន្តរជាតិនានា។ល។ដើម្បីផលប្រយោជន៍រួម និងរក្សាសន្តិភាព ក្នុងតំបន់ និងសាកល ។

សម្តេចប្រធានរដ្ឋសភា បានថ្លែងអំណរគុណប្រទេសហ្វីលីពីនដែលបានបម្តផ្តល់អាហារូបរណ៍ដល់និស្សិតកម្ពុជាចំនួន ៦០កន្លែងលើវិស័យផ្សេងៗគ្នា ដួចជាវិស័យអប់រំ កសិកម្ម សុខាភិបាល និងបច្ចេកវិទ្យាជាដើមជាពិសេសរួមគ្នាបនរយុទ្ធប្រឆាំងឧក្រិដ្ឋកម្មឆ្លងដែនក៏ដូចជាការប្រែប្រួលអាកាសធាតុ ។

ជាការឆ្លើយតប លោកស្រី ឯកអគ្គរដ្ឋទូត បញ្ជាក់ថា ៖ តួនាទីរបស់លោកស្រី នៅកម្ពុជា គឺជាស្ពាន ដើម្បីពង្រឹងនូវទំនាក់ទំនងរវាងប្រទេសទាំងពីរឲ្យកាន់តែស្អិតរមួតថែមទៀត ។ ហើយលោកស្រី ឯកអគ្គរដ្ឋទូតក៏បានថ្លែងអំណរគុណដល់រាជរដ្ឋាភិបាលកម្ពុជាកន្លងមកបានជួយសង្គ្រោះពលរដ្ឋហ្វីលីពីនឲ្យផុតពីការជួញដូរមនុស្ស ៕

ដោយ ៖ ហេង សម្បត្តិ