មន្ទីរបរិស្ថាន ខេត្តក្រចេះ ជូនដំណឹងពីវិធានការទប់ស្កាត់ និងដកហូតដីព្រៃ ដែលបានកាប់ទន្ទ្រានយកធ្វើជាកម្មសិទ្ធិ ខុសច្បាប់នៅសហគមន៍ចំនួនពីរក្នុងខេត្តក្រចេះ
(ភ្នំពេញ)៖ ក្រសួងបរិស្ថាននៅថ្ងៃទី ០៩ ខែ សីហា ឆ្នាំ ២០២៤នេះក្រសួងបរិស្ថានបានចេញសេចក្តីជូនដំណឹងមួយស្តីពីវិធានការទប់ស្កាត់ និងដកហូតដីព្រៃ ដែលបានកាប់ទន្ទ្រានអនាធិបតេយ្យ យកធ្វើជាកម្មសិទ្ធិ ខុសច្បាប់ ក្នុងសហគមន៍តំបន់ការពារធម្មជាតិ គិរីសុខសាន្ត និងសហគមន៍តំបន់ការពារ ធម្មជាតិ អន្លង់ជ្រៃ ស្ថិតក្នុង ដែនជម្រកសត្វ ព្រៃព្រៃឡង់ ភូមិសាស្ត្រ ឃុំ អន្លង់ជ្រៃ ស្រុកថា ឡាបរិវ៉ាត់ ខេត្ត ស្ទឹងត្រែង។
យោងតាមសេចក្តីជូនដំណឹងមន្ទីរបរិស្ថាន ខេត្តស្ទឹងត្រែង បានឱ្យដឹងថា៖ក្រោយពីអង្កេតឃើញថា មានបងប្អូនប្រជាពលរដ្ឋ ក្នុងមូលដ្ឋាន និងមកពីបណ្តាខេត្ត ផ្សេងៗ ចូលមកកាប់ទន្ទ្រានដីព្រៃដោយខុសច្បាប់ ក្នុងតំបន់ការពារធម្មជាតិស្ថិតក្នុងសហគមន៍តំបន់ការពារធម្មជាតិ “គិរីសុខសាន្ត” និងសហគមន៍តំបន់ការពារធម្មជាតិ “អន្លង់ជ្រៃ” ក្នុងដែនជម្រកសត្វព្រៃព្រៃឡង់ ភូមិសាស្ត្រឃុំអន្លង់ជ្រៃ ស្រុកថាឡាបរីវ៉ាត់ ខេត្តស្ទឹងត្រែង យ៉ាងអនាធិបតេយ្យដែលជាការបំផ្លិចបំផ្លាញធនធានធម្មជាតិយ៉ាងធ្ងន់ធ្ងរក្នុងសហគមន៍ តំបន់ការពារធម្មជាតិ ដែលគ្រប់គ្រងដោយមន្ទីរបរិស្ថានខេត្តស្ទឹងត្រែង។
ករណីនេះ មន្ទីរបរិស្ថានខេត្ត បានចាត់វិធានការជាបន្តបន្ទាប់ចាប់តាំងពីឆ្នាំ២០១៨ រហូតដល់បច្ចុប្បន្ន តែ សកម្មភាពនេះមិនបានរាងចាលឡើយ នៅតែបន្តកាប់គាស់ រុករាន ទន្ទ្រាន ដាំដំណាំ សង់លំនៅដ្ឋាន មានការកើនឡើង ជាបន្តបន្ទាប់គួរឱ្យព្រួយបារម្ភ។
ដោយយោងតាមស្មារតីកិច្ចប្រជុំគណៈបញ្ជាការឯកភាពរដ្ឋបាលខេត្ត នៅថ្ងៃទី០៦ ខែសីហា ឆ្នាំ២០២៤ និងអនុសាសន៍ ដ៏ថ្លៃថ្លារបស់ ឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង បានជំរុញការ អនុវត្តន៍ច្បាប់ ឱ្យបាន ១០០ភាគរយ និងអនុវត្តតាមស្មារតីលិខិតលេខ ១១២៧/០៣២៤ សជណ.បស្ថ ចុះថ្ងៃទី១៤ ខែមីនា ឆ្នាំ២០២៤ របស់ក្រសួងបរិស្ថាន ស្តីពីវិធានការទប់ស្កាត់ លុបបំបាត់ និងបង្ក្រាបការកាប់គាស់ រុករាន ឆ្ការដុត ឬឈូសឆាយដីព្រៃ ក្នុងតំបន់ការពារធម្មជាតិធ្វើជាកម្មសិទ្ធិ មន្ទីរបរិស្ថានខេត្ត នឹងចាត់វិធានការតាមច្បាប់ដូចខាងក្រោម៖ ១.មោឃៈភាពចោល នូវរាល់លិខិតសម្គាល់លក់-ទិញ ឫលិខិតបញ្ជាក់កាន់កាប់ដីព្រៃខុសច្បាប់ នៅក្នុងតំបន់ ការពារធម្មជាតិ ដែលគ្រប់គ្រងដោយមន្ទីរបរិស្ថានខេត្តស្ទឹងត្រែង។២.ដកហូតយកមកជាសម្បត្តិរដ្ឋវិញ នូវរាល់ដីព្រៃ ដែលបានកាប់គាស់ រុករាន ទន្ទ្រាន ដាំដំណាំ សង់លំនៅដ្ឋាន ក្នុងតំបន់ការពារធម្មជាតិ ស្ថិតក្នុង សហគមន៍តំបន់ការពារធម្មជាតិ “គិរីសុខសាន្ត” និងសហគមន៍តំបន់ការពារធម្មជាតិ “អន្លង់ជ្រៃ”។៣.ការកាប់គាស់ ឫរុករានដីព្រៃ ឫឆ្ការ ដុត ឫឈូសឆាយដីព្រៃ ដើម្បីយកដីធ្វើជាកម្មសិទ្ធិ ក្នុងតំបន់ការពារធម្មជាតិ- គឺជាបទល្មើសធនធានធម្មជាតិថ្នាក់ទី៣ ដែលមានចែងក្នុងជំពូកទី៣ មាត្រា៨៥១ (ត្រូវផ្តន្ទាទោសដាក់ពន្ធនាគារពី៥ឆ្នាំ ទៅ ១០ឆ្នាំ) នៃក្រមបរិស្ថាន និងធនធានធម្មជាតិ។៤.បន្តស្រាវជ្រាវរកមេខ្យល់ និងអ្នកពាក់ព័ន្ធ ដែលកៀរគរឱ្យប្រជាពលរដ្ឋមកទន្ទ្រានដីនៅទីតាំង កសាងសំណុំរឿងបញ្ជូន ទៅអយ្យការអមសាលាដំបូងខេត្តស្ទឹងត្រែង ដើម្បីផ្តន្ទាទោសតាមច្បាប់អាជ្ញាធរមូលដ្ឋាន ភូមិ ឃុំ ស្រុក ត្រូវចូលរួមផ្សព្វផ្សាយ ទប់ស្កាត់ និងអន្តរាគមន៏ រាល់សកម្មភាពល្មើសច្បាប់ ការចូលកាប់ទន្ទ្រានដីព្រៃ ដាំដំណាំ និងសាងសង់ផ្ទះ ខ្ទម រោង ក្នុងសហគមន៍តំបន់ការពារធម្មជាតិ “គិរីសុខសាន្ត” និងសហគមន៍តំបន់ការពារធម្មជាតិ “អន្លង់ជ្រៃ” និងចំពោះសាធារណៈជន ប្រជាពលរដ្ឋ និងអ្នកពាក់ព័ន្ធ ក្នុងតំបន់ ខាងលើ ត្រូវបញ្ឈប់ជាបន្ទាន់ នូវការចូលរស់នៅ កាន់កាប់ ព្រមទាំងត្រូវរុះរើ ចាកចេញ និងបញ្ឈប់ ឱ្យបានមុនថ្ងៃទី៣០ ខែ សីហា ឆ្នាំ២០២៤ ជាកំហិត។
ក្នុងករណីមិនអនុវត្តន៍តាមខ្លឹមសារខាងលើ មន្ទីរបរិស្ថានខេត្ត នឹងសហការជាមួយកម្លាំងគណៈបញ្ជាការឯកភាព រដ្ឋបាលខេត្ត កម្លាំងគណៈបញ្ជាការឯកភាពរដ្ឋបាលស្រុកពាក់ព័ន្ធ នឹងចាត់វិធានការ ស្របតាមនីតិវិធីច្បាប់មិនលើកលែង និងអនុវត្តន៍តាមក្រមបរិស្ថាន និងធនធានធម្មជាតិជាធរមាន៕
ដោយ ៖ ម៉ាដេប៉ូ
