រដ្ឋបាលក្រុងកំពង់ឆ្នាំងបានចាប់ផ្ដើមសំអាត និងស្ដារចេញប្រព័ន្ធលូមេ និងលូរងទឹកភ្លៀង ជាង ១២គីឡូម៉ែត្រ ក្នុងក្រុងកំពង់ឆ្នាំង ដើម្បីកាត់បន្ថយការកកស្ទះលំហូរទឹកជំនន់ក្នុងរដូវវស្សា
(កំពង់ឆ្នាំង)៖ រដ្ឋបាលក្រុងកំពង់ឆ្នាំងបានចាប់ផ្ដើមប្រតិបត្តិការសំអាតនិងស្ដារចេញនូវប្រព័ន្ធលូមេទឹក ជាង 12 គីឡូម៉ែត្រ នៅក្នុងក្រុងកំពង់ឆ្នាំងដើម្បីកុំឱ្យកកស្ទះនៅជំនន់ទឹកភ្លៀង ធ្លាក់ខ្លាំងនៅ ក្នុងរដូវវស្សានេះ។
នៅព្រឹកថ្ងៃទី ៨ខែសីហាឆ្នាំ ២០២៤នេះលោកហ៊ីង ភ័ព្វមិនា អភិបាលក្រុងកំពង់
ឆ្នាំង បានបញ្ជាក់ប្រាប់អ្នកយកព័ត៌មានយើង តាមប្រព័ន្ធតេឡេក្រាមឱ្យដឹងថា ចាប់ពីថ្ងៃនេះ ក្រុមការងារសំអាតនិងស្តារប្រព័ន្ធលូមេ បានចាប់ផ្តើមធ្វើការស្តាលូនៅតាមបណ្តោយផ្លូវជាតិ និងលូរងទឹកភ្លៀងទាំងអស់នៅក្នុងក្រុងកំពង់ឆ្នាំងគឺតាំងពីថ្ងៃទី ២២ខែ៧ឆ្នាំ2024 រហូតមកដល់ថ្ងៃទី ៨ខែសីហានេះក្រុមការងារយើងនៅតែបន្តសំអាតនិងស្តារលូខាងលើនេះដើម្បីបញ្ចៀសកាកកស្ទះប្រព័ន្ធលូមេនិងជៀសវាងការលិចលុងលំនៅដ្ឋានរបស់បងប្អូនប្រជាពលរដ្ឋ។
នៅក្នុងឱកាសនោះផងដែរ លោក អភិបាលក្រុង ក៏សូមសំណូមពរដល់បងប្អូនប្រជាពលរដ្ឋទាំងអស់ដែលរស់
នៅក្នុងក្រុងកំពង់ឆ្នាំងមេត្តាចូលរួមថែទាំប្រព័ន្ធលូទាំងនេះឲ្យបានល្អសូមកុំយកសំរាមឬ កាកសំណល់ផ្សេងៗទៅទម្លាក់ចោល ដែលនាំឲ្យបង្ការមានការកកស្ទះលំបាកនៅពេលដែលទឹកជំនន់លិចភូមិ
ដ្ឌានរបស់បងប្អូន៕
ដោយ ៖ សុខ គឹមសៀន
