ថៃ៖ កីឡាករ វង្ស គឹមហួត បានបញ្ជាក់ថា នៅដំណាក់កាលទី៣នេះ ក្រុម VKH Racing កម្ពុជាធ្វើបានល្អទោះបីក្រឡាប់មួយជុំកន្លះ តែយើងបានជួយខ្លួនឯងរួច និងបន្តការប្រណាំងរហូតដល់ចប់ សម្រាប់ថ្ងៃទី១៤ ខែសីហា ឆ្នាំ២០២៤។ ការបញ្ជាក់នេះក្រោយបញ្ចប់ការប្រណាំងដំណាក់កាលទី៣ នៅហួហ៊ីន លើចម្ងាយផ្លូវសរុបជាង១៦៨គីឡូម៉ែត្រ។

កីឡាករប្រណាំងមានបទពិសោធន៍ជាង១០ឆ្នាំ រូបនេះ ក្រុម VKH Racing យើងអាចល្អគួរសមអាចរំកិលទៅមុខតិចតួច គឺប្រៀបធៀបអ្នកចេញមុនយើង និងក្រោយយើង ដោយសារការចាប់ផ្តើមចេញពេលព្រឹក និងល្ងាចសិតសឹងល្អ យើងចេញយឺតតែមិនដល់លឿនជាងគេ គឺចេញលេខ២៦ មកដល់លេខរៀងទី២១ ។

គួរបញ្ជាក់ថា ព្រឹត្តាការណ៍ប្រណាំងឆ្លងកាត់ឧបសគ្គ Asia Cross Country Rally 2024 បានបញ្ចប់៣ដំណាក់កាល និងបន្តការប្រណាំងដំណាក់កាលទី៤ លើចម្ងាយផ្លូវសរុបជាង ១៧២គីឡូម៉ែត្រ ពីខេត្តរ៉ាតឆាបូរី ឆ្ពោះទៅខេត្តកាន់ឆាណាក់បូរី៕

អត្ថបទ-រូបភាពៈ លោក ចាន់ វិចិត្រ