សម្តេចធិបតី ហ៊ុន ម៉ាណែត អរគុណដល់ជនរួមជាតិ ទាំងក្នុង និងក្រៅប្រទេស ដែលបានចូលរួមចំណែកជាមួយរាជរដ្ឋាភិបាល តាមរយៈ “មូលនិធិកសាងហេដ្ឋារចនាសម្ព័ន្ធតាមព្រំដែន” AMS Central

សម្តេចធិបតី ហ៊ុន ម៉ាណែត អរគុណដល់ជនរួមជាតិ ទាំងក្នុង និងក្រៅប្រទេស ដែលបានចូលរួមចំណែកជាមួយរាជរដ្ឋាភិបាល តាមរយៈ “មូលនិធិកសាងហេដ្ឋារចនាសម្ព័ន្ធតាមព្រំដែន”

អត្ថបទដោយ៖

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងអំណរគុណដល់ជនរួមជាតិទាំងអស់ ទាំងក្នុង និងក្រៅប្រទេស ដែលបានចូលរួមចំណែកជាមួយរាជរដ្ឋាភិបាល តាមរយៈ “មូលនិធិកសាងហេដ្ឋារចនាសម្ព័ន្ធតាមព្រំដែន”។

សម្តេចធិបតី បានចាត់ទុកការចូលរួមនេះ គឺបានបង្ហាញយ៉ាងច្បាស់ពីមនសិកា ស្រលាញ់ ការពារជាតិ តាមរយៈ ការអភិវឌ្ឍ នៅបណ្តាខេត្តតាមព្រំដែន ដេីម្បីធាបានភាពរឹងមាំនៃខឿនការពារជាតិ ការពារបូរណភាពទឹកដី ជាពិសេសបង្ហាញពីស្មារតីជាតិនិយម ដែលជាការផ្តល់កម្លាំងចិត្តដ៏ធំធេងសម្រាប់រាជរដ្ឋាភិបាល ក្នុងការបំពេញបេសកកម្មដ៏ឧដុង្គឧត្តមក្នុងការបម្រេីជាតិ និងប្រជាជន ។

សូមជម្រាបថា យោងតាមសេចក្តីជូនដំណឹង ស្តីពី មូលនិធិកសាងហេដ្ឋារចនាសម្ព័ន្ធតាមព្រំដែន ដែលសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ចេញនៅលើបណ្ដាញតេឡេក្រាម នាព្រឹកថ្ងៃទី២៦ ខែសីហា ឆ្នាំ២០២៤ ដោយបានបញ្ជាក់ថា ក្នុងគោលបំណង ដើម្បីកៀរគរថវិកាបន្ថែមសម្រាប់ កសាងហេដ្ឋារចនាសម្ព័ន្ធនានា នៅតាមបណ្តោយព្រំដែន ព្រមទាំងបានផ្តល់ឱកាសឱ្យ ប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកដោយផ្ទាល់ ជាមួយ រាជរដ្ឋាភិបាល នៅក្នុងបុព្វហេតុការពារ និង អភិវឌ្ឍជាតិ ក្នុងស្មារតីមហាសាមគ្គីជាតិខ្មែរ ដើម្បីថែរក្សា សុខសន្តិភាព អធិបតេយ្យ និងបូរណភាពទឹកដី ក៏ដូចជាការជំរុញការអភិវឌ្ឍ នៅតាមតំបន់ព្រំដែនឱ្យបានកាន់តែរឹងមាំ និងប្រកបដោយចីរភាព។

សម្រាប់ការចូលរួមជាសាច់ប្រាក់ សូមទាក់ទង ឯកឧត្តម សេង ទៀង នាយករងខុទ្ទកាល័យ សម្តេចធិបតីនាយករដ្ឋមន្ត្រី ទូរស័ព្ទលេខ 012 961 971 ទីតាំង៖ នៅទីស្តីការគណៈរដ្ឋមន្ត្រី ” អគារជាប់ផ្លូវកម្ពុជាក្រោម បន្ទប់លេខ ២០៦ ជាន់ទី២ “

ចំពោះការបរិច្ចាគតាមរយៈគណនីធនាគារដូចខាងក្រោម៖
ឈ្មោះគណនី៖ “Foundation for Border Infrastructure Development”

លេខគណនីធនាគារទាំង៦ រួមមាន៖
១ ⁃ ធនាគារកាណាឌីយ៉ា “Canadia Bank” ៖ 1341325012 (KHR) , 1341325011 (USD)
២ ⁃ ធនាគារអេហ្វធីប៊ី “FTB Bank” ៖ 100020166686 (KHR) , 300020166537 (USD)
៣ ⁃ ធនាគារអេប៊ីអេ “ABA Bank” ៖ 7179 8 7179 (KHR) , 7179 9 7179 (USD)
៤ ⁃ ធនាគារអេស៊ីលីដា “ACLEDA Bank” ៖ 0001-05-559998-99 (KHR) , 0001-05-559998-88 (USD)
៥ ⁃ ធនាគារខេប៊ីប្រាសាក់ “KB PRASAC Bank” ៖ 033 190 910 002 (KHR) , 033 190 910 001 (USD)
៦ ⁃ ធនាគាររីង “WING Bank” ៖ 220820231 (KHR) , 220820232 (USD)

សម្រាប់ព័ត៌មានបន្ថែម សូមទាក់ទង៖ 066 263 979 / 093 263 979 / 086 263 979 / 012 263 979 / 011 263 979