ថ្នាក់ដឹកនាំក្រុមសេនាសន្តិភាពនិងសមាជិកជាង ១០០នាក់ទស្សនកិច្ចសិក្សានៅបង្គោលព្រំដែនលេខ ៣០ច្រកទ្វារអន្តរជាតិអូរយ៉ាដាវ-ឡេថាញ់
រតនគិរី៖ ថ្នាក់ដឹកនាំក្រុមសេនាសន្តិភាព និងសមាជិកជាង១០០នាក់កាលពីព្រឹកថ្ងៃទី៣ ខែកញ្ញា ឆ្នាំ២០២៤ បានទៅធ្វើទស្សនកិច្ចសិក្សានៅបង្គោលព្រំដែនលេខ៣០ច្រកទ្វារអន្តរជាតិអូរយ៉ាដាវ-ឡេថាញ់។ដំណើរទស្សនកិច្ចសិក្សានេះដឹកនាំដោយលោក លី ហុងប្រធានក្រុមសេនាសន្តិភាព។
លោក លី ហុង បានបញ្ជាក់ថា ដំណើរទស្សនកិច្ចសិក្សានៅតំបន់ភូមិភាគឦសានដែលមានសមាជិកចំនួន១១០នាក់ មកពីបណ្តារាជធានី ខេត្តចំនួន១០។ដោយចាប់ផ្តើមទស្សនកិច្ចសិក្សាពីខេត្តក្រចេះ,ខេត្តស្ទឹងត្រែង,ខេត្តរតនគិរី និងបន្តដំណើរទៅខេត្តមណ្ឌលគិរី។ លោកថា ក្នុងដំណើរទស្សនកិច្ចសិក្សានេះសមាជិក សមាជិកាក្រុមសេនាសន្តិភាព បានបង្ហាញទឹកចិត្តសប្បាយរីករាយក្រោយពីឃើញការអភិវឌ្ឍនៅតាមព្រំដែន ។
ជាក់ស្តែងលោកបានមកដល់ច្រកទ្វារអន្តរជាតិអូរយ៉ាដាវ-ឡេថាញ់ មានខ្លោងទ្វារបង្ហាញភាពច្បាស់លាស់មានព្រំប្រទល់ប្រទេសទាំង២,មានសមត្ថកិច្ចប្រចាំការត្រួតពិនិត្យភ្ញៀវមានប៉ាស្ព័រ,លិខិត(ពុំចេញ-ចូលដោយសេរីទេ)រថយន្តឆ្លងកាត់ដឹកទំនិញផ្សេងៗ៕
ដោយ៖គតិយុត្ត
