បាងកក៖ ថៃបានក្លាយជាប្រទេសដែលមានបុរសអត់សក់ ច្រើនជាងគេ នៅអាស៊ីអាគ្នេយ៍ឆ្នាំ ក្នុងឆ្នាំ២០២៤ នេះបើតាមទីភ្នាក់ងារសារព័ត៌មាន ដែលផ្តោតលើតំបន់អាស៊ីអាគ្នេយ៍ ស៊ីសៀ ស្តាត (Seasia Stats)។

ប្រភពបានចេញផ្សាយបែបនេះ កាលពីថ្ងៃព្រហស្បតិ៍ ដោយផ្អែកលើការស្ទង់មតិរបស់ វេទិកាអនឡាញទាក់ទងនឹងការព្យាបាលបញ្ហាជ្រុះសក់ មេឌី ហែ (Medihair) គ្របដណ្តប់លើប្រទេសចំនួន ៤៧ នៅលើពិភពលោក។ ការស្ទង់មតិនេះ ត្រូវបានវាស់វែង ដោយផ្អែកលើការបាត់បង់សក់របស់បុរស តាមចំនួនប្រជាជន គិតជាភាគរយ។

ប្រភពថា ប្រទេសថៃ មាន៣០.៩៤%។ លេខ២ គឺម៉ាឡេស៊ី, លេខ៣ គឺហ្វីលីពីន និងលេខ៤ គឺ ឥណ្ឌូនេស៊ី។
រីឯប្រទេសដែលមានបុរសអត់សក់ច្រើនជាងគេលើលោក នៅឆ្នាំ២០២៤ គឺប្រទេសអេស្បាញ ជាមួយអត្រា ៤៤.៥០ ភាគរយ៕

ប្រែសម្រួល៖ សារ៉ាត