កំពង់ធំ ៖ ឧត្តមសេនីយ៍ទោ សោម ស៊ុន មេបញ្ជាការ បានដឹកនាំ​សហការី ជាថ្នាក់ដឹកនាំនៃបញ្ជាការដ្ឋាន តំបន់ប្រតិបត្តិការសឹករង ខេត្តកំពង់ធំ ទៅសំណេះសំណាល សាកសួរសុខទុក្ខ លោកវរសេនីយ៍​ទោ ប៉ែន ឡន នាយសេនាធិការរង នៃបញ្ជាការដ្ឋានតំបន់ ប្រតិបត្តិការ​សឹករងកំពង់ធំ ដែលបានទទួលរងគ្រោះថ្នាក់ដោយឧបទ្ទវហេតុ បណ្ដាល​ឱ្យបាក់ឆ្អឹងដងកាំបិតខាងឆ្វេង និងប៉ះពាល់រាង​កាយមួយចំនួន​ទៀត ដោយត្រូវធ្វើការវះកាត់ ហើយកំពុងសម្រាកព្យាបាលរបួស និងជំងឺ នៅមន្ទីរពេទ្យបង្អែកខេត្តកំពង់ធំ នាថ្ងៃទី១៧ ខែកញ្ញា ឆ្នាំ២០២៤ ។

ឧត្តមសេនីយ៍ទោ សោម ស៊ុន បានថ្លែងនូវការសោកស្ដាយ ចំពោះការ​គ្រោះថ្នាក់ដោយឧបទ្ទវហេតុនេះ ហើយបានណែនាំ ដល់លោក​វរសេនីយ៍ទោ ប៉ែន ឡន ត្រូវខិតខំយកចិត្តទុកដាក់ អនុវត្តតាមវេជ្ជបញ្ជា​របស់លោកគ្រូពេទ្យ ក្នុងការព្យាបាលរបួស និងជំងឺ ដើម្បីឆាប់បានជា​សះស្បើយ វិល ត្រឡប់ទៅបំពេញភារកិច្ចនៅក្នុងអង្គភាពវិញ ។

នៅក្នុងឱកាសនេះដែរ ឧត្តមសេនីយ៍ទោ មេបញ្ជាការ បាននាំយក​កន្ត្រកផ្លែឈើ និងថវិកាចំនួន ៣លានរៀល ដែលជាជំនួយឧបត្ថម្ភរបស់​ថ្នាក់ដឹកនាំ និងនាយទាហាន នាយទាហានរង និងពលទាហាន នៃបញ្ជាការដ្ឋាន តំបន់ប្រតិបត្តិការសឹករងកំពង់ធំ ឧបត្ថម្ភជូន លោកវរសេនីយ៍ទោ ប៉ែន ឡន និងក្រុមគ្រួសារ ដើម្បីចាត់ចែងក្នុង​ការព្យាបាលជំងឺ និងរបួសនៅពេលនេះ ៕
ដោយ៖ ប៊ុន រដ្ឋា