កំពង់ឆ្នាំង៖ ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ដ្រី ទទួល​បន្ទុកបេសកកម្មពិសេស និងជាប្រធានក្រុមការងាររាជ​រដ្ឋាភិបាល ចុះមូល​ដ្ឋានខេត្តកំពង់ឆ្នាំង កាលពីថ្ងៃទី២០ ខែកញ្ញា បានអញ្ជើញសួរ​សុខទុក្ខអតីតយុទ្ធជន ចំនួន ១១០គ្រួសារ ដែលកំពុងរស់នៅតំបន់ដី​សម្បទានសង្គមកិច្ច ស្ថិតក្នុងភូមិអូរកាខុប ឃុំក្រាំងល្វា ស្រុកសាមគ្គី​មានជ័យ ខេត្តកំពង់ឆ្នាំង ក្នុងឱកាស​បុណ្យកាន់បិណ្ឌ និងភ្ជុំបិណ្ឌ ។

ពិធីខាងលើមានការអញ្ជើញចូលរួមពី ឯកឧត្តម ស៊ីវ រុន ប្រធាន​ក្រុមប្រឹក្សាខេត្ត ឯកឧត្តម ស៊ុន សុវណ្ណារិទ្ធិ អភិបាលខេត្ត និងជា​ប្រធានកិត្តិយសសមាគមអតីតយុទ្ធជនកម្ពុជាខេត្តកំពង់ឆ្នាំង។
      
ឧត្តមសេនីយ៍ត្រី អ៊ុ សុភា មេបញ្ជាការតំបន់ប្រតិបត្តិការសឹករង​កំពង់ឆ្នាំង និងជាប្រធានសមាគមអតីតយុទ្ធជនកម្ពុជាខេត្ត បានបញ្ជាក់ថា អំណោយរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា អនុប្រធានទី១ សមាគមអតីតយុទ្ធជនកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត និង មានការចូលរួមសបន្ថែមពី ឯកឧត្តមអភិបាលខេត្ត មន្ទីរ អង្គភាព ជុំវិញខេត្ត រដ្ឋបាលក្រុង/ស្រុក ទាំង៨ ដែលចងសម្ព័ន្ធមេត្រីភាពជា​មួយបងប្អូនអតីតយុទ្ធជនមាន៖អង្ករ ២,៧៥០គីឡូក្រាម ,មី ១១០កេស,ត្រីខ ១១០យួរ,ទឹកត្រី ១១០យួរ,ទឹកស៊ីអ៉ីវ​ ១១០​​យួរនិងថវិកា ក្នុងមួយគ្រួសារៗមួយសែនរៀល៕
ដោយ៖សុខ គឹមសៀន