បាងកក៖ ក្រសួងដឹកជញ្ជូនថៃកំពុងចាប់ផ្តើមគំនិតផ្តួចផ្តើមវិនិយោគដ៏ធំមួយ ក្នុងទំហំទឹកប្រាក់ប្រមាណ ៨០.៥ពាន់លានដុល្លារ ដើម្បីធ្វើបដិវត្តន៍ហេដ្ឋារចនាសម្ព័ន្ធដឹកជញ្ជូន និងគាំទ្រផ្នែកដឹកជញ្ជូនប្រកបដោយនិរន្តរភាព។ នេះបើតាមការចុះផ្សាយរបស់សារព័ត៌មាន VNExpress។

គម្រោងខ្នាតយក្សរបស់ថៃនេះ នឹងផ្តោតលើការពង្រីកបណ្តាញផ្លូវដែក, ការធ្វើទំនើបកម្មអាកាសយានដ្ឋានសំខាន់ៗ និងលើកកម្ពស់ការប្រើថាមពលស្អាតផ្នែកដឹកជញ្ជូន ដើម្បីកាត់បន្ថយការបំភាយឧស្ម័នផ្ទះកញ្ចក់ចំនួន ៤៥.៦លានតោននៅឆ្នាំ ២០៣០។

គំនិតផ្តួចផ្តើមនេះ គឺជាផ្នែកមួយនៃផែនការសកម្មភាពដែលបានកំណត់ដោយរដ្ឋាភិបាល (NDC) សម្រាប់ឆ្នាំ ២០២១-២០៣០ ស្របតាមគោលដៅអាកាសធាតុរបស់ប្រទេសថៃ ស្ថិតក្រោមកិច្ចព្រមព្រៀងទីក្រុងប៉ារីស៕

ប្រភព៖ VNEXpress ប្រែសម្រួលដោយ៖ ឈឹម ទីណា