លោកជំទាវ ពោធិតី សាវត្ថី ប្រធានគណបក្សធម្មាធិបតេយ្យ រម្លឹកពីស្នាព្រះហស្ថរបស់ព្រះបរមរតនកោដ្ឋ
ក្នុងឱកាសខួប១២ឆ្នាំ នៃការយាងសោយទិវង្គតរបស់ព្រះករុណា ព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ, លោកជំទាវ ពោធិតី សាវត្ថី ប្រធានគណបក្សធម្មាធិបតេយ្យ បានមានប្រសាសន៍រម្លឹកពីស្នាព្រះហស្ថរបស់ព្រះបរមរតនកោដ្ឋដែលបានបន្សល់ទុកសម្រាប់ប្រជាពលរដ្ឋ។
លោកជំទាវ ពោធិតី សាវត្ថី បានមានប្រសាសន៍ថា ខួប១២ឆ្នាំ នៃការចូលទិវង្គតរបស់ព្រះបរមរតនកោដ្ឋ ធ្វើឱ្យលោកជំទាវ និងប្រជាពលរដ្ឋខ្មែរគ្រប់រូបចងចាំ និងនឹកឃើញពីស្នាព្រះហស្ថរបស់ព្រះបរមរតនកោដ្ឋដែលបានបន្សល់ទុកសម្រាប់កម្ពុជា។
លោកជំទាវបានរម្លឹកពីស្នាព្រះហស្ថរបស់ព្រះបរមរតនកោដ្ឋក្នុងការទាមទារឯករាជ្យជូនជាតិ មាតុភូមិ នៅឆ្នាំ១៩៥៣។ ព្រះអង្គអភិវឌ្ឍន៍ប្រទេសឱ្យមានការជឿនលឿនគ្រប់វិស័យទាំងអស់ក្នុងសម័យសង្គមរាស្ត្រនិយម។ ប៉ុន្តែគួរឱ្យសោកស្តាយមានក្រុមក្បត់ខ្លះដូចជា សម សារី , លន់ នល់ បង្កើតកលយុគ សង្គ្រាមក៏កើតមានឡើងដោយទម្លាក់ព្រះចេញពីព្រះរាជបល្ល័ង្ក។ បន្ទាប់មក ប៉ុល ពត សម្លាប់រង្គាលនៅប្រទេសកម្ពុជា។ ប៉ុន្តែព្រះបរមរតនកោដ្ឋព្យាយាមអត់ធ្មត់ដើម្បីនាំឯកភាពជាតិមកដល់កម្ពុជាម្តងទៀត គឺធ្វើឱ្យមានកិច្ចព្រមព្រៀងទីក្រុងប៉ារីស រួមជាមួយសម្តេចតេជោ ហ៊ុន សែន ធ្វើឱ្យមានឯកភាពជាតិដ៏ធំធេង ធ្វើឱ្យមានកិច្ចព្រមព្រៀងទីក្រុងប៉ារីស ធ្វើឱ្យមានច្បាប់រដ្ឋម្មនុញ្ញសម្រាប់តម្កល់ឱ្យប្រើប្រាស់រហូតមកដល់បច្ចប្បន្ននេះ៕
ដោយ៖ពលជ័យ
