កំពង់ធំ៖ ចាប់ពីថ្ងៃទី១៦ ដល់ថ្ងៃទី១៧ ខែតុលា ឆ្នាំ២០២៤ រដ្ឋបាល​ខេត្តកំពង់ធំ បានរៀបចំពិធីប្រណាំងទូក នៅក្រុងស្ទឹងសែន ដើម្បី​បង្កើតឱកាសសប្បាយរីករាយជូនប្រជាពលរដ្ឋ និងជាការត្រៀម​លក្ខណៈសម្បត្តិរបស់ទូកសម្រាប់ព្រឹត្តិការណ៍បុណ្យអុំទូក នៅរាជធានី​ភ្នំពេញខាងមុខ។

ក្នុងឱកាសនេះលោកឧត្តមសេនីយ៍ត្រី ហេង សុផល ស្នងការនគរបាល​ខេត្ត បានដឹកនាំកម្លាំងប្រមាណ៥០០ នាក់ ដើម្បីធានា​សុវត្ថិភាព​និងសណ្តាប់ធ្នាប់សាធារណៈក្នុងពិធីប្រណាំងទូកនេះ។ជាមួយគ្នា​នេះស្នងការដ្ឋាននគរបាលកំពង់ធំក៏មានទូកចំនួន ២ គ្រឿងចូលរួម​ប្រកួតផងដែរ គឺទូកឈ្មោះ សាមគ្គីធីបតីសែនជ័យបារមីស្រីទេព និងទូលចន្ទមុន្នីរិទ្ធីយុវជនតេជោ។

ព្រឹត្តិការណ៍ប្រណាំងទូកនៅខេត្តកំពង់ធំឆ្នាំនេះមានទូកចូលរួមប្រកួតប្រជែងចំនួន ៦៦ ទូក និងកីឡាករ ២ ០៨០ នាក់។ក្នុងនេះមាន​ទូកវែង៩ទូក,ទូកអន្តរជាតិ៤១ទូក និងទូកផ្កាចារ១៦ទូក៕
ដោយ៖​ប៊ុន​រដ្ឋា