បន្ទាយមានជ័យ៖ ឯកឧត្តម អ៊ុ រាត្រី អភិបាលខេត្តបន្ទាយមានជ័យ​បានគូសរំលេចថា ចំណេះដឹង ចំណេះធ្វើ ជាមួយបទពិសោធន៍​សីល​ធម៌ការរស់នៅល្អ គឺជាមូលដ្ឋានគ្រឹះចាំបាច់សម្រាប់អ្នកបន្តវេនដឹក​នាំសង្គមគ្រួសារ និងប្រទេសជាតិ ។

ឯកឧត្តមអភិបាលខេត្តបានថ្លែងដូច្នេះក្នុងពិធីសម្ពោធដាក់ឱ្យប្រើប្រាស់អគារសិក្សាមួយខ្នង មានបីបន្ទប់ នៅសាលាអនុវិទ្យាល័យ​សំរោង​មានជ័យ នៅភូមិកណ្តាល ឃុំរោង ស្រុកអូរជ្រៅ កាលពីថ្ងៃទី២៣ ខែតុលា ។

ក្នុងឱកាសនេះដែរ ឯកឧត្តមអភិបាលខេត្តបន្ទាយមានជ័យបាន​លើកឡើងអំពីការបង្កើនកសាងអគារសិក្សាចាប់តាំងពីទីក្រុង ដល់ជនបទដើម្បីបម្រើឱ្យអភិវឌ្ឍធនធានមនុស្សនៅកម្ពុជា និងជាការយកចិត្តទុកដាក់បំផុតរបស់រាជរដ្ឋាភិបាល៕
ដោយ៖ គៀន ច័ន្ទហ៊ីន