ហាណូយ៖ នាយកដ្ឋានអប់រំ និងបណ្ដុះបណ្ដាល ទីក្រុងហាណូយ ប្រទេសវៀតណាម គ្រោងនឹងពង្រីកការអនុវត្តបញ្ញាសិប្បនិមិត្ត ឬ AI ក្នុងសកម្មភាពបង្រៀន និងរៀន នៅសាលា ជាច្រើនទៀត នាពេលខាងមុខ បន្ទាប់ពីកម្មវិធីនេះ ត្រូវបានសាកល្បង ដោយជោគជ័យ រួមមានទាំងថ្នាក់តូចផងដែរ នេះបើតាមកាសែត VNexpress កាលពីពេលថ្មីៗនេះ។

យោងតាមនាយកដ្ឋាននេះ ទីក្រុងហាណូយ មានសាលាចំនួន ៥ ដែលសាកល្បងប្រើប្រាស់ AI ក្នុងការបង្រៀន រួមមាន សាលាមត្តេយ្យមួយ សាលាបឋមសិក្សាមួយ, អនុវិទ្យាល័យ ចំនួន ២ និង វិទ្យាល័យ ចំនួន១។

នេះគឺជាផ្នែកមួយនៃគម្រោងស្រាវជ្រាវវិទ្យាសាស្ត្រ «ការកសាង និងសាកល្បងគំរូអប់រំឆ្លាតវៃ សម្រាប់មត្តេយ្យសិក្សា និងការអប់រំទូទៅ នៅទីក្រុងហាណូយ» នេះបើតាម លោក Nguyen Quang Tuan ប្រធានគម្រោង។

លោកបានមានប្រសាសន៍ថា ការងារនេះមានគោលបំណងអនុវត្តការផ្លាស់ប្តូរឌីជីថល នៅគ្រប់កម្រិតអប់រំ ក្នុងទីក្រុង។ ការសិក្សាលើវេទិកាអប់រំឆ្លាតវៃនេះ រួមមាន ទាំងទ្រឹស្តី និងមេរៀនពាក់ព័ន្ធសម្ភារៈឌីជីថល៕

ប្រភពពី VNepxress ប្រែសម្រួល៖ សារ៉ាត