អាជ្ញាធរខេត្តកំពង់ធំ នាំអំណោយចែកជូនប្រជាពលរដ្ឋ៧០៤គ្រួសារដែលមានជីវភាពខ្វះខាតរស់នៅឃុំផាត់សណ្តាយ
កំពង់ធំ៖ ឯកឧត្តម នួន ផារ័ត្ន អភិបាលខេត្តកំពង់ធំបានអញ្ជើញជួបសំណេះសំណាល និងនាំយកអំណោយប្រព័ន្ធស្បៀងបម្រុងកម្ពុជា របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ទៅចែកជូនដល់ប្រជាពលរដ្ឋចំនួន ៧០៤គ្រួសារ ដែលមានជីវភាពខ្វះខាត រស់នៅឃុំផាត់សណ្តាយ ស្រុកកំពង់ស្វាយ។
ឃុំផាត់សណ្តាយ គឺជាឃុំមួយដែលមានភូមិសាស្ត្រភ្ជាប់ទៅនឹងតំបន់បឹងទន្លេសាប ដែលប្រជាពលរដ្ឋចំនួន ១,២៨២គ្រួសារពឹងផ្អែកលើការនេសាទជាមូលដ្ឋាន។ក្នុងសកម្មភាពផ្ទាល់កាលពីព្រឹកថ្ងៃទី៥ ខែវិច្ឆិកា ឆ្នាំ ២០២៤ឯកឧត្តម នួន ផារ័ត្ន បញ្ជាក់ថា សម្ដេចធិបតី ហ៊ុន ម៉ាណែត នាយករដ្ឋមន្រ្តី តែងតែយកចិត្តទុកដាក់ចំពោះជីវភាពរស់នៅ និងសុខសុវត្ថិភាពរបស់ប្រជាពលរដ្ឋគ្រប់កាលៈទេសៈ។ ការផ្ដល់ស្បៀងអាហារនេះគឺដោយគ្មានការបែងចែកជនជាតិសាសនា ឬប្រកាន់បក្សនយោបាយ ទាក់ទាញទៅនឹងគ្រួសារដែលជួបការលំបាកពិតប្រាកដ។
សូមជម្រាបថា អំណោយដែលចែកជូនមាន អង្ករ មី ត្រីខ ទឹកត្រី ទឹកស៊ីអ៊ីវ និងទឹកបរិសុទ្ធ៕
ដោយ៖ប៊ុន រដ្ឋា
