វ៉ាស៊ីនតោន ៖ សារព័ត៌មាន Fox News ចេញផ្សាយថា លោក Donald Trump បានយកឈ្នះលោកស្រី Kamala Harris នៅក្នុងជ័យជម្នះដ៏គួរឱ្យភ្ញាក់ផ្អើលមួយ ដោយផ្តល់ឱ្យគាត់នូវអាណត្តិទីពីរនៅក្នុងសេតវិមាន បន្ទាប់ពីវដ្តនៃការបោះឆ្នោតជាប្រវត្តិសាស្ត្រ និងការប៉ុនប៉ងផ្តាច់ជីវិតលោកពីរដង។ នេះបើតាមការចុះផ្សាយដោយសារព័ត៌មាន Fox News។

តាមរយៈលទ្ធផលបោះឆ្នោតបឋម លោក ដូណាល់ ត្រាំ អាយុ៧៨ឆ្នាំ នឹងក្លាយជាប្រធានាធិបតីទី៤៧របស់សហរដ្ឋអាមេរិក និងជាអាណត្តិ២របស់លោក ខណៈលោក J.D. Vance ឬ James David Vance នឹងក្លាយជាអនុប្រធានាធិបតីរបស់លោក។

លោក Trump នឹងក្លាយជាប្រធានាធិបតីដំបូងគេ ដែលបានកាន់តំណែងចំនួនពីរអាណត្តិ ទោះបីមិនជាប់គ្នា ពោលគឺដូចគ្នានឹងអតីតប្រធានាធិបតីអាមេរិក លោក Grover Cleveland កាលពីឆ្នាំ ១៨៩២។

លោក Trump បានជាប់ឆ្នោតជាប្រធានាធិបតីលើកដំបូងក្នុងឆ្នាំ ២០១៦ ដោយបានផ្តួលអតីតរដ្ឋមន្ត្រីការបរទេសអាមេរិក លោកស្រី Hillary Clinton ហើយបានប្តេជ្ញាថា “ធ្វើឱ្យអាមេរិកអស្ចារ្យម្តងទៀត”។

លោក Trump បានចាញ់ការបោះឆ្នោតឡើងវិញ ក្រោមស្នាដៃរបស់ប្រធានាធិបតីអាមេរិក លោក Joe Biden ក្នុងឆ្នាំ ២០២០ ក្នុងអំឡុងពេលជំងឺរាតត្បាតសកលលោក ប៉ុន្តែបានទាមទារឡើងវិញនូវតំណែងសេតវិមាននៅឆ្នាំ ២០២៤នេះ បន្ទាប់ពីយុទ្ធនាការជិតពីរឆ្នាំដោយប្តេជ្ញាថា “ធ្វើឱ្យអាមេរិកអស្ចារ្យម្តងទៀត”៕

ប្រភព៖ Fox News ប្រែសម្រួលដោយ៖ ឈឹម ទីណា