(ភ្នំពេញ)៖ លោក ឌី រ័ត្នខេមរុណ អភិបាលរង នៃគណៈអភិបាលខណ្ឌ៧មករា តំណាង លោក ថេង សុថុល អភិបាល នៃគណៈអភិបាលខណ្ឌ៧មករា បានជួបសំណេះសំណាល ជាមួយកម្លាំងសណ្តាប់ធ្នាប់ អ្នកអនាម័យ ព្រមទាំងអ្នករត់សំបុត្រ ក្នុងខណ្ឌ៧មករា នាព្រឹកថ្ងៃពុធ ៦កើត ខែកក្តឹក ឆ្នាំរោង ឆស័ក ព.ស ២៥៦៨ ត្រូវនិងថ្ងៃទី ០៦ ខែវិច្ឆិកា ឆ្នាំ ២០២៤ ។

លោក ឌី រ័ត្នខេមរុណ អភិបាលរង នៃគណៈអភិបាល ខណ្ឌ៧មករា បានធ្វើការកោតសរសើរ ចំពោះកម្លាំងសណ្តាប់ធ្នាប់ខណ្ឌ ដែលបានបំពេញនូវតួនាទី ភារកិច្ច របស់ខ្លួន និងការខិតខំប្រឹងប្រែង រក្សាសុន្តិសុខ សុវត្ថិភាព រៀបចំសណ្ដាប់ធ្នាប់សាធារណៈ ជូនបងប្អូនប្រជាពលរដ្ឋ ក្នុងមូលដ្ឋាន មិនអោយមានភាពភ័យខ្លាចនៅបញ្ហា អសន្តិសុខ ក្នុងភូមិ សង្កាត់ ជាពិសេសនោះ គឺ រក្សាបានភូមិ សង្កាត់ មានសុវត្ថិភាព ជូនប្រជាពលរដ្ឋ ។

ទន្ទឹមនឹងនេះដែរ លោក ឌី រ័ត្នខេមរុណ អភិបាលរង ខណ្ឌ៧មករា កម្លាំងសណ្តាប់ធ្នាប់ខណ្ឌ ត្រូវពង្រឹងសមត្ថភាពបន្ថែម ដើម្បីការពារសុវត្ថិភាពជូនប្រជាពលរដ្ឋ ស្របតាមគោល នយោបាយភូមិសង្កាត់មានសុវត្ថិភាព ក៏ដូចជាសហការជាមួយ កម្លាំងប្រដាប់អាវុធទាំង២ប្រភេទ ក្នុងការចុះការពារក្បួនថ្នាក់ដឹកនាំ រួមទាំងចុះ ល្បាត ពួន ស្ទាក់ និងចាប់អោយបាន លើការបង្ក្រាបរាល់បទល្មើស និងរាល់សកម្មភាព ចោរកម្ម ផ្សេងៗដើម្បីរក្សាពង្រឹងសន្តិសុខ និង រក្សាសុវត្ថិភាពជូនប្រជាពលរដ្ឋក្នុងមូលដ្ឋានខណ្ឌ៧មករា អោយជាប់ជាប្រចាំផងដែរ ។

ក្នុងការសំណេះសំណាលនេះដែរ លោក ឌី រ័ត្នខេមរុណ អភិបាលរង នៃគណៈអភិបាល ខណ្ឌ៧មករា បានឧបត្ថម្ភ ក្នុង១នាក់ ទទួលបាន មី ១កេស, ទឹកក្រូច ១កេស, ទឹកស៊ីអ៉ីវ, ទឹកត្រី ១យួរ, ឃីត ១កញ្ចប់ និង ថវិកាផងដែរ ៕

ដោយ / គ្រី សម្បត្តិ