បរទេស ៖ រដ្ឋមន្ត្រីការបរទេសនៃសហរដ្ឋអាមេរិក លោក Antony Blinken កាលពីថ្ងៃចន្ទ បានទទួលជួបមន្ត្រីជាន់ខ្ពស់ នៃគណបក្សកម្មុយនីស្តវៀតណាម នៅក្នុងទីក្រុង Washington, DC។

រដ្ឋមន្ត្រីការបរទេសអាមេរិក លោក ​Antony Blinken​ បានជួបជាមួយលោក ​Le Hoai Trung ប្រធានគណៈកម្មាធិការទំនាក់ទំនងការបរទេស នៃបក្សកុម្មុយនីស្តវៀតណាម នៅឯក្រសួងការបរទេសសហរដ្ឋអាមេរិក ដើម្បីពិភាក្សាអំពីទំនាក់ទំនងការទូត និងសេដ្ឋកិច្ច រវាងប្រទេសទាំងពីរ។

លោក ​Blinken បាននិយាយថា លោកមានទំនុកចិត្តយ៉ាងខ្លាំងថា ការងារដែលបានធ្វើកន្លងមក គឺដើម្បីកសាងទំនាក់ទំនងទ្វេភាគី ឲ្យឡើងដល់កម្រិតប្រវត្តិសាស្ត្រ ជាមួយនឹងភាពជាដៃគូ រវាងសហរដ្ឋអាមេរិក និងវៀតណាម ហើយនឹងបន្តបានល្អ បន្ថែមទៀត ទៅថ្ងៃអនាគត ដែលជាប្រយោជន៍ សម្រាប់ប្រជាជនអាមេរិកនិងវៀតណាម។

លោក ​Le Hoai Trung បានឯកភាពថា ក្រោមការដឹកនាំរបស់ប្រធានាធិបតីអាមេរិក ចូ បៃឌិន ទំនាក់ទំនងកិច្ចសហហប្រតិបត្តិការ រវាវអាមេរិកនិងវៀតណាមពិតជារីកចម្រើន ហើយសង្ឃឹមថា នឹងកាន់តែមានការវិវឌ្ឍន៍ បន្ថែមទៀត៕

ប្រភពពី AFP ប្រែសម្រួល៖ សារ៉ាត