ភ្នំពេញ៖ នៅថ្ងៃទី១៦ ខែធ្នូ ឆ្នាំ២០២៤ កុមារUCMAS ជ័យលាភីឆ្នើម តំណាងឱ្យកម្ពុជាចំនួន៩រូប, គណៈគ្រប់គ្រង UCMAS កម្ពុជា, ម្ចាស់ អាជ្ញាបណ្ណ, ប្រធានសាខាទូទាំងប្រទេសរួមជាមួយអាណាព្យាបាល សិស្សទាំងអស់ បានធ្វើដំណើរត្រលប់​មកដល់ទីក្រុងភ្នំពេញវិញ បន្ទាប់ពីបានចូលរួមកម្មវិធីប្រឡងថ្នាក់អន្តជាតិ (UCMAS International Competition and World Cup 2024 ) រយៈពេល ២ ថ្ងៃពីថ្ងៃទី១៤និង១៥ ខែធ្នូនៅក្នុងទីក្រុងញូដេលី ប្រទេសឥណ្ឌា ។

ព្រឹត្តិការណ៍ជាប្រវត្តិសាស្រ្តដ៏ធំអស្ចារ្យមួយនេះត្រូវបានរៀបចំឡើងដោយ UCMAS អន្តរជាតិដែលមានការចូលរួមពី​កុមារ​ឆ្លាតវៃមកពី ៣០ ប្រទេសជុំវិញពិភពលោក និងមានបេក្ខជនសរុបចំនួន ៦ពាន់​​នាក់ ។បេក្ខជនទាំងអស់​តម្រូវឱ្យប្រកួតប្រជែង​ទៅ២វិញ្ញាសារធំៗ គឺ វិញ្ញាសា សរសេរ និង វិញ្ញាសាមើល ហើយបេក្ខជនទាំងអស់មានរយៈពេលតែ ៨ នាទីប៉ុណ្ណោះ​ក្នុង​ការឆ្លើយទៅលើលំហាត់២០០សំនួរសម្រាប់ វិញ្ញាសា រសរសេរនឹងបែងចែកតាមកម្រិតនៃការសិក្សារបស់ពួកគេ។

ជាលទ្ធផលនៃការប្រកួតប្រជែងនេះកុមារUCMASកម្ពុជាទទួលបានជ័យលាភីនិងរង្វាន់​លើកទឹក​ចិត្តយ៉ាង​ច្រើនដូចជា​ពានរង្វាន់ (Champion) លើវិញ្ញាសាសរសេរចំនួន៦ ,ពានរង្វាន់ 1st Runner Up លើវិញ្ញាសាសរសេរចំនួន១ និង វិញ្ញាសាមើលចំនួន១, ពានរង្វាន់ 2nd Runner Up លើវិញ្ញាសាសរសេរចំនួន១ , ពាន3rd Runner up វិញ្ញាសា​សរសេរចំនួន១ និងវិញ្ញាសារមើលចំនួន៣ ,ពានរង្វាន់ ជាក្រុម Silver Champion Wold Cup ចំនួន១ ។

កម្មវិធី UCMAS កម្ពុជា សូមចូលរួមអបអរសាទរដោយក្តីរំភើបរីករាយ យ៉ាងខ្លាំងចំពោះជ័យលាភីរបស់កុមារ​កម្ពុជា​ក៏ដូច​ជាឪពុកម្តាយ អាណា ព្យាបាលសិស្សទាំងអស់ដែលបានទទួលជោគជ័យយ៉ាងធំធេងក្នុងការ​​ខិតខំ​ប្រឹងប្រែងរហូត​ទទួល​បានលទ្ធផលគួរជាទីមោទកភាពសម្រាប់ ប្រទសកម្ពុជា។

គួររំលឹកដែរថា កាលពីឆ្នាំ២០២៣ កុមារកម្ពុជា២ រូបបានដណ្តើម យក នូវពានរង្វាន់ Grand Champion ដែលជាចំណាប់​ថ្នាក់​ខ្ពស់ជាគេ ក្នុងកម្មវិធីប្រឡងUCMASថ្នាក់អន្តរជាតិ ប្រឡងថ្នាក់អន្តជាតិ មួយនេះ​ផងដែរ ។

កម្មវិធី UCMAS កម្ពុជា សូមថ្លែងអំណរគុណយ៉ាងជ្រាលជ្រៅ ចំពោះ ម្ចាស់សាខា ដៃគូរសហការ លោកគ្រូ អ្នកគ្រូ និង លោកឪពុកអ្នកម្តាយ អាណាព្យាបាលសិស្ស ទាំងអស់ដែលតែងតែគាំទ្រកម្មវិធី UCMASតាម រយៈការជំរុញនឹងលើក​ទឹកចិត្តកូនៗសម្រាប់ការសិក្សារបស់ពួកគេ។ដោយឡែកសម្រាប់បងប្អូនដែលមានកូនតូចៗនឹងមានចំណាប់អារម្មណ៍​ចុះឈ្មោះជាកម្មវិធីUCMASកម្ពុជាអាចទំនាក់ទំនងសា ខាជិត តំបន់លោកអ្នករស់នៅរឺតាមលេខទូរសព្ទ៖០១២ ២១ ៣៨ ៨៦ ,០១៥ ៣៩ ៤០ ៤៣ ៕