គណបក្សប្រជាជនកម្ពុជា ខេត្តកំពង់ធំ ទទួលសមាជិកថ្មីចំនួន ២៣៥នាក់មកពីគណបក្សផ្សេង
អត្ថបទដោយ៖
ប៊ុន រដ្ឋា
កំពង់ធំ៖ ឯកឧត្តម នួន ផារ័ត្ន ប្រធានគណបក្សប្រជាជនកម្ពុជាខេត្តកំពង់ធំ បានអញ្ជើញជាអធិបតីពិធីប្រកាសបញ្ចូលសមាជិកថ្មីចំនួន ២៣៥នាក់ ដែលមកពីគណបក្សផ្សេង។ពិធីបានប្រព្រឹត្តទៅកាលពីថ្ងៃទី២០ ខែធ្នូ ឆ្នាំ ២០២៤ នៅស្នាក់ការកណ្តាលគណបក្សប្រជាជនកម្ពុជាខេត្តកំពង់ធំ។
ក្នុងឱកាសនេះ ឯកឧត្តម នួន ផារ័ត្ន បានស្វាគមន៍សមាជិកថ្មីទាំងអស់ និងអបអរសាទរគណបក្សដែលបានពង្រឹងមហាគ្រួសារនយោបាយ។ ឯកឧត្តមបានរំលឹកថា ជាសមាជិកគណបក្សប្រជាជនត្រូវខិតខំកសាងសមត្ថភាព និងចំណេះដឹង ដើម្បីចូលរួមអភិវឌ្ឍជាតិ និងធ្វើឱ្យប្រជាជនរស់នៅក្រោមសន្តិភាព និងស្ថិរភាព៕
ដោយ៖ប៊ុនរដ្ឋា
